Kay Comisión de Justicia ñawapakpi, Leonardo Orlando, (SRI) kamaywasita pushak, payka chay paraísos fiscales wasiman awllikkuna yaykurishkatami riksi chirka.
Kay 20.288 tukuylla awllikkuna ista llaktapi tiyak paraísos fiscales wasiman kimirishkata riksirka, chaypi paykunapak kullki llankan nirka.
Cchaymanta 3266 tukuylla awllikkuna, chay wasipi kullkita charin nirka, 16.1% patsakrimi paykunapak kullkita churashka, kipaka chaskin, shinami kullki llika willarka.
Mamallaktamanta achka awllikunami chay paraísos fiscales kamaywasipi kullkita charin nirka. "Chaymanta Hatun kamachik Petroecuador llankaywasimanta achka kullkita shuwashka, shinami modus operandi llankaywasita wiñachirka, shinami paraísos fiscales kamaywasiman kachashka", nirka .
Chay kullkiwan paraíso fiscal kamaywasita wiñachina yuyayta charishka nirka; chay kullkikunaka 50% patsakrinmi Mamallaktapak kullkita, tukuylla llankaywasipi llankak, killkakamayuk, kipukkuna kullkita chaypi charin. Ashtawankarin “antielusión” riksin, kaywan mayhanlla kullkita charikta willachin nirka, shuk kullkiyachik wasikunapash chaypimi charin nirka.
Kay kamachiywan Pacto Ético llankayta achkata sinchiyachin, paraísos fiscales wasita takanka, tukuyman kay kamachiy yanapanka, chay (ONU) tantariwan achkata llankanka, shuktak Mamallaktapi shinallatak llaki tiyashkata riksichinka nirka.
Kamachiy killkak Mauro Andino, akllarikuk Lasso, Panamá llaktapi kullki wasita charini nirka, mana willashpaka Código Monetario kamachiyta pakinka. Shinallatak Marisol Peñafiel kamachiy killkak, fideicomisos, empresas fantasmas kamaywasikunapak shutipi kullkita surkushkata riksichirka. Shinallatak Mariangel Muñoz kamachiy killkak, kullkiwasita yanka katushpaka kamachiyta pakishpa huchapi urmaymi kan nirka.
MG/pv/jc-kichwa
