Mamallakta Tantanakuyta pushak, Gabriela Rivadeneira, kay Organización de las Naciones Unidas para el Desarrollo yachay, Ecuador llaktata, chay Informe Mundial sobre Desarrollo Humano ukupi rikischishkata allimi kan nirka, llaktayukkunapak kawsayta kamachiywan allichikta rikushpami shina chaskirka.
Kay Justicia Laboral kamachiy, warmikuna wasi ukupi llankayta riksin; intercultural yachay kamachiyta; chusku Hatun Yachana wasita wiñachishkamanta shin riksion.
Shinallatak: Universidad de las Artes, IKIAM, Yachay- Ciudad del Conocimiento y la Universidad Nacional de Educación yachana wasikunata wiñachishkamanta hatun kakta riksin; Mamakamachiywan kay Buen Vivir yachayta mirachishkamanta ñukanchikpak llaktata hawapi churan.
Kay ONU tantari chusku Mamallakta 89 kuskamanta, 188 hawa kuskapi churarka, 2016 watapi willayta rikuchishkapimi shina karka, chay willayka allikawsay, yachay, shuktak yanapayta rikuchishka kan.
Mama Rivadeneira, ashalla wata washaman Ecuador llakta mana anking hawaman rikurirka, kunanmi rikurin nirka. “Kay Buen Vivir rimayta charinkapa, mana wakcha runakuna tiyana kan (…) chunka wata washaman ista llaktakuna hawapi rikurishpa kimirina llaktayta mana charirkachu”, nirka.
Kay ONU willashka Ecuador llaktapi kawsak ishkay hunu runakuna wakchaymanta llukshishkata rikuchin, Mamallaktapak llaktaymi llaktayukkunapak wakchayay ñanta, mana pakta kawsayta ashayachishka. “Ecuador llaktami América Latina, Caribe llaktakunapi utkashpa wakchayta ashayachin”. Shinallatak yallita charik runakunawan, yalli wakcha runakunawan 42 kutin ñan karka, kunanka 23 kutinlla ñanmi kan.
Allikawsayta, yachayta rikuchikkuna
Mamallakta Tantanakuyta pushak Mamallaktapi tiksi mitachikuna paskarishka hawa rimarka, shinapash “ashtawan hatunyachishpa katina yuyaymi kan, nirka”. Kayta rikushpami 2006 watapi rikukpika, alli kawsay mitachi 16 hunu karka, kay 2016 watapika 41 hunuman chayan. “Kay Ecuador llaktapi kawsak kari warmi runakuna tukuylla llankaypi iñinchik”, nirka.
KZ/mjc/jc-kichwa
