Kay Gobiernos Autónomos minkashkata pushak, Richard Calderón, Mamallakta Tantanakupak ankipi rimashpa, mayhan kamachiy mushukyarishpapash runakunata mana llakichinkachu nirka.
Kay Eficiencia de la Contratación Pública kamachiy, Registro Oficial 966 yupaywan, 20 puncha, pawkar killa, 2017 watapi arinishka karka. Mamallakta mutsukpi, shuklla runa charishkata rantishpa hapinami kan, kichunaka mana nishaninchu.
Chay kichuna kamachiytaka Hatun Kamachiypak ukupimi charin nirka. Kutin kay Kikinllatak Karupi Kamachik ukupika, (30 punchamanta, 90 punchakama katikuyta tukuchina karka, kallaripika katikushkata mananinkapa 8 punchata charirka, kipaman kimsa punchata charirka, kunanka pusak punchapi katikuy tukurina nirka.
Allpapachapak tukuy Mamallaktakunami rantishpa shuklla charikashta hapinkuna, kikinllatak karupi kamachikkuna tukuy runanapak alli kachunmi hapin, imashinami hatun ñanta rurankapa, chakata rurankapa: allpata, wasita rantishpa hapin. Shinami shuklla runapak, tawaka runapak kawsayta allichin. Kay kamachiyka Ecuador llaktapi ñawpa watakunamanta shamushka, tukuy allpapachapimi kay kamachiyka llankan.
Pay, Richard Calderón kamachiy killkak llaktayukkuna mana llakirina kanchu, chariahka llakita allichinkapa achkatami yanapanka, chuklla runa charina hayñitapash yanapanka nirka.
EG/pv/jc-kixchwa
