Kay Comisión de Régimen Económico minkashka, 5 puncha, ayriwa killapi, 09:30 sayllata tantarinka. Kay minkashkata pushak Virgilio Hernández, tawka kamachikkunapak rimayta uyasha nishpa willarka.
Shinami, paykunaka Optimización y Eficiencia de Trámites kamachiy hawa, Código de Comercio kamachiyta rimashpa katina hawa rimanka nirka.
Kamachiy killkakkuna Coordinador de Seguridad, César Navas kamachikta, Turismo, Fernando Alvarado kamachikta, Cuerpo de Bomberos de Quito, Eber Arroyo pushakta; Superintendente de Control de Poder de Mercado, Pedro Páez kamachikta, Alexis Mera Mamallaktapak Killkakkamayukta chaskinka, paykunami Optimización y Eficiencia de Trámites alli killkarichun alli yuyayta churanka.
Kay mushuk kamachiyka tukuylla kamaypi tiyak, llaktayukkuna churashka mañay katikuyta anchuchina, allchina, hawallayachina, shinami tarpuykuna mirachichun churashka utkachun yanapanaka.
Awllikkunata uyashka kipa, minkashkakuna kay Código de Comercio kamachiyta allichishpa, killkashpa katinatami charin, shinami mintalana llankaykunata ama harkachun allichinka.
Chaypak kay llankaykunawan mana samarishpalla katin, kayta llankakkuna, chay mintalana tiksi hayñikuna, chaypi llankakpak hayñikuna kamachiypi rikurichun allichinka. Kunan tiyak Código de Comercio kamachiyka 1960 watapi arinishka karka.
Kay kamachiyka kanchis kamutami charina: chayka hatun katuna llankayta rikuk kamu; katuk rantik runakuna, katuna hillaykuna kamu; katuna hillaykuna, chani shutikuna, kullki mañachina shutikuna manu; mañaykuna, hatun mintalaypak shuti kamu; mintalaypak yuyarikuna kamu; kamaypak yuyarikuna kamu; kipikunata antawapi, wampukpi, wayra, mayuta, shuktak layapash kipita apanka.
JLVN/pv/jc-kichwa
