“Unkushka churi ayllupak shunkuman chayan, amuklla churi amuklla shunkuta ruran, paykunamanta kuyaklla shunku tukunchik, taripakkuna, pushakkuna, yanapak tukunchik”.
shinami María de Lourdes Ortega rimarka, Mamallakta Tantanakuy autismo unkuyta riksichi pachapi, kay Día Mundial del Autismo punchapi shina rimarka.
Kamachikkuna, hampi amawtakuna, yachachikkuna, yachakukkuna, awllikkuna, kamaywasimanta shamukkuna, chay unkushka runakuna llaktayukpak hayñita charichun llankan.
Mamallakta Tantanakuymanta killkakamayuk Libia Rivas, kay autistas unkuyta charikpak taytamama sinchi, amuklla runakuna kashkamanta, paykunapak churikunata hawaman surkunkapa llankakta riksishpa, alli runakuman, tsiknik runakunaman yaykurichun yanapakta rikushpa sinchi tayta, mamakuna kankichik nirka. Mamallakta Tantakuyka amuklla runakunata ukllankapa punchanta llankan, chaymantami Discapacidades kamachiyta arinirka, kay kamachiyka 2012 watapi arinirirka.
Kay Asociación de Padres y Amigos para el Apoyo y la Defensa de los Derechos de las personas con Autismo (APADA) tantarita pushak, María de Lourdes Ortega, kunanka tawka runakunami kay unkuyta charik runakuna tiyan nirka.
Kay Ministerio de Salud kamaywasi rikukpika, Ecuador llaktapi, 700 runakunami autismo unkuyta charik tiyan nirka, ista llaktakunapak yupayta rikukpika, allpapachapi tiyak runakunamanta 1% patsakri runakunami kay unkuyta charin, shinapash tawka runakunami mana yupashka kan.
Shinallatak Ramiro Cárdenas hampik amawta, Mamallakta Tantanakuypak awllik, autismo unkuyta rikunkapa arinishkami kani nirka. Allpapachapika 68 wawamanta shukmi autismo wacharin, shinapash mana hawalla rikunata usharinchu nirka.
RSA/pv/jc-kichwa
