Kay mushuk Tratados Internacionales Hatun kamachiyta, Relaciones Internacionales minkashka rimanakushpa katin.
Kay rimanakuy patakuta pushak, María Augusta Calle, minkashkaman yaykurishka kamachiy killkakkunata tantariman kayarka, kaya, 5 puncha, ayriwa killa, 10:00 sayllata tantarinka, paykuna mushuk kamachiyta allichishpa katinka. Tukuchishpa kallari atinakuyman yaykuchun shuk willayta killkanka.
Kay mushuk hillayka Ecuador llaktawan, shuktak Mamallaktakunawan ista yuyarikunata imashina arininatami rikunka, imashina yuyari kamukunata killkanatami riman, ima yuyay charikta, arininata, mushuk yuyay hapinata, kikin yuyayta, willayta pakalla charina, hatun willayta charina, yuyayta chimpapurana, anchuchina, allichina, mushukyachina, sakichina, tukuchinatapash rikunka.
Kay kamachiywanka ista hillaykunata, yuyarikunata arininata charik kamaywasipura imatalla awkinata, llankanata muyunka. Shinallatak tukuylla kamaywasipura ista hillaykunata arinikkunapash imashina awkina ñankunatami mashkanka, shinallatak anchuchina, allichina, mushukyachina, sakichina, tukuchinata kamanka.
Mamallakta awki; runa hayñita sumaychanka; llaktakuna kishpiyrishka arinina; hawa Mamakamachiy; Mamallaktakuna chikanchikan, kamachiypi pakta kana; kasillata charirayana, istallaktakuna kamayta charina; pachamamata sumaychana, paypak kawsaymuyuyta wiñachina; llaktapura yanaparina; suyupi yaykurina; kishpiyrishka yuyaywan yaykurina; llakikunata kasilla allichina; mushuk kamachiypika kaykunatami mañan.
LILA/pv/jc-kichwa
