Mamallakta Tantanakuy, Rafael Correa, Mamallakta Pushak shitashka mushuk Sistema Nacional de Infraestructura Vial del Transporte Terrestre kamachiyta chaskirka.
Kay Gobiernos Autónomos minkashka kay shitashka nikikunata rikuna charin, kipaman shuk willayta killkashpa Mamallakta Tantanakuypak hunta tantariman rikuchinka. Kay kamachiyka llankayñanta, ñanta paskankapa, ñawpa ñanta charinkapa, paktachik mitachikunata charinkapa yanapanka.
Kay 56 nikikunamanta, Mamallakta pushak ishkaynikita rikurka. Shukka ashalla pachapak ñanta purina hawami karka, kutinshukka tukuyllapak ñanta ima nipakunawan rurana hawami karka. Maypi pipash mana kawsakuk kuskapi, Mamallakta ñanta rurachun kushka kuskapi kanka.
Mamallakta Pushak shuktak killkamilkata yaykuchin, chayka: ashalla pachapak ñanta hapishpa, kipaman chay ñanta tukuylla mitachina ñan tukuchun killkan, kamachiy willachun mana mutsunkachu, chay allpamanta kullkitapash mana tikrachina kachun. Chay allpa ñanta rurankapa mutsurishkata allpayukman willana nirka.
Shuktak anchuchishka nikipak ranti: kay “minería” shimita anchuchin, “cantera” rimayta killkan, mushuk ñanpi shitankapa, rumikuna surkuna kuskatami shina riman, chay kuskamanta tukuylla ñanpi shitankapa rumita surkuna kuska kachun nirka. Chay kuskata, Gobiernos Autónomos Descentralizados kamachikkuna rikunata charin, tukuysami rumimanta kullkita mana hapishpalla arininatami charin.
Rumi surkuna kuska shukpaklla kakpika, tarpuna allpa, chakra, ima tiyashka wakllirishkamanta asha kullkita kunami kan, rumikunamantaka kullkita mana kunachu kan.
Kay mushuk kamachiyka, kay 1964 watapi arinishka kamachiy rimashka ñan hayñitami mushukyachin, shuktak ista llaktakunawan pakta kachunmi shuklla yuyayta killkan. Mushuk kamachiyka shuk chumpishina allpatami ñanka paskarin, kayka shamuk watakunapakmi sakirinka nirka.
LILA/pv/jc-kichwa
