Kay Régimen Económico minkashka, chay Servicio de Rentas Internas kamchikta, Red Nacional de Finanzas populares y Solidarias del Ecuador (Renafipse) kamachik rimashkata uyarka, shina facturas electrónicas kamachiy alli killkarichun yanaparka.
Kay David Velasco pushak kamachik, payka Servicio de Rentas Internas kamaywasitami pushan, kay Código de Comercio la factura electrónica kamachiypi rantinkapa, katunkapa kamay, utkachik tiyana kan nirka, mushuk kullkita chayamuchikmi kan nirka.
Kunanpak tiyak rantina, katuna marupanka Servicio de Rentas Internas kamay wasimi pushakun. Chay kamaywasimi mintalan pankakunata arinishpa kachan. Kiputa rikukpika 14.365 arinishka pankakunami tiyan, shinallatak 11 churashka kullkita kuk runakunami tiyan.
Mana tukuyzirma pankakunachu mintalankapa alli kan, shamuk punchakuna kay kamachiywan rantinkapa, katunkapa allimi kanka. Chaypi SRI kamaywasi yanapanata charin. Chay bursátil katuna wasiman chanayanata ushanka, katuna ranatina pankawanpash katunka.
Kamchik Diego Cadena, Red Nacional de Finanzas Populares y Solidarias del Ecuador (Renafipse) kamaywasimanta shamuk ñawpapachamanta shamuk runakuna paykunapak llankashkapi shutita churashpami mintalan, chaymi mushukyayta riksin nirka. Kaykunatami sapan kamachiy killkaypi riksirkanchik, makiwanlla killkashkami ashtawankarin rikurirka ninmi. Shinapash zirma pankawan rantinata, katunata usharinmi nirka.
JLVN/pv/jc-kichwa
