Pachamamata rikushpalla hapina, mawkayachina kamachiytami charina kan, tawkasami kawsaykuna, llaktakuna, mishukuna aylluyarishpa kawsanata yanapachun shuk kamachiy tiyanami kan.
Chay ñanpillatakmi shamuk wilkakuna, imillakuna, imashina kawsanata rikuna kan, shinami kay Comisión de Biodiversidad y Recursos Naturales minkashkata pushak, Carlos Viteri Gualinga rimarka, kay Circunscripción Territorial Especial Amazónica kamachiyta allichikushpami shina rimarka.
Kay suyupimi tawka kawsaykuna tiyan nirka, yurakuna, sachakuna, wiwakuna, yakukuna, shinallatak mana wiñarik tiyakkunatapash charin.
ChamantamiAllpapachapi yalli hawapi tiyarin, allpapachapak alli kachun, kawsayta kuchunmi kay kamachiy achkata yanapan.
“Kay Mamallakta hatun shuktatak shuktak kawsayta charin nirka, allpapachapi shina rikukpika, 17 Mamallaktamanta shukmi kanchik, shuk pachamama llikata charin, pachamamata kamankapa shuk kamachiyta charin, hatun llaktakuna ukupimi sakirin”, shinami warmi kamachiy killkak rimarka.
Kamachiy killkak Carlos Viteri, runakuna hawaman kachun yachachinkapa alli llankaykunata charinami mutsurin, kawsaykunata riksinami kan, riksina kuskakunata mana wakllichishpallami charina kan.
Shinami kullki wiñarik llankaykuna wiñarinka, punkara tukurishka kipa tiksi kullki llankayta churankapami alli kanka, sumakkawsaypash wiñarinka, antisuyupi, Mamallaktapi kipaman kawsaytami yallita yuyana kanchik.
Kay kamachiyta killkanka hatun llankaykunata rurashkami kan, tawka tantarikunatami punchapi ishkaykutin rimarishka kan, llaktakunaman rina yapa llankaytami charirka, chaypimi antisuyupi kawsak runakuna paykunapak yuyayta churarka, Mamallaktapi rikukpika Antisuyumi 47% patsak allpata charin, kay suyumi tukuy Mamallaktamanta rikukpika yalli kawsaykunata charin.
RSA/eg/jc-kichwa
