Mamallakta Tantanakuy kawsaytarpuyta Mamallaktapi, istallaktapi churak 14 warmikunata chaskirka, paykuna Ecuador llaktapi hatun llankaykuna rurashkata rikuchirka.
Shinami chaykunaka hatun unanchakunami sakirirka. Shinami michakunawan, tawkasami tullpukuna, shuktakkunapash pakirinalla riksinaka tiyarka.
Paykunaka ñawpa watakunamantami yuyayta churashpa, alli shunkuwan takita, makirurayta hatunyashpa shamushka. Shinami Matilde Hidalgo de Procel warmita kamarirka, paymi kapchita Mamallaktapi mirachishpa hatunyachishka.
Kay riksitaka kapchipi hatun llankaykunata rurak warmikunamanmi chayachirka, kawsaytarpuypimi yalli llankay rikurirka. Kunanpika takikkunaman, makirurakkunaman, arawikman, killkakman, arawakman, pupakman kamarita chayachirka.
Mamallakta Tantanakuyta pushak, Gabriela Rivadeneira, Ecuador llaktapi, wiñaykawsaymanta huchata allichina kan nirka, kari warmi pakta llankay mana tiyashkatami allichina kan. “ Runakunapak llankayta tantarikunapi, kamaywasipi mana achiklla rikurishkachu. Warmikuna, llaktay llankayman rina, kapchi llankayta rurana chayrak sinchimi rikurin”, nirka.
Mamallakta Tantanakuyta pushak, kay Cultura kamachiyta arinishka, tawka kapchi llankayta mana riksirka, warmikunapak kapchi llankaytapash mana riksirkachu. Kamarishka makirurakkunaka punchantami kapchi llankayta ruran, paykuna yachashkata shamuk kari warmi runakunakuman willachipanka.
“Kunan kamarishka makirurakkunaka Mamallaktapak shutitami tukuy allpapachaman pushan, paykunapak takiwan, shuyuywan, arawiwan, pupakunawan, rikuchiwan, killkaywan riksichin.
Patakuna
Shinami Takipika, Mamallakta Tantanakuy Cuenca llaktamanta Jannet Alvarado, takita killkak warmiman kamarita chayachirka, wawamanta chilakpi takik, payka Mamallaktapi, istallaktapipash takikmi kan, taki hawami achkata rurak warmi kan.
Shinallatak Las Tres María warmikuna Patrimonio Vivo del Ecuador shutitami charin, Taitas y Mamas mushuk llankay ukupi kawsan. Ecuador llaktamant takikunatami tantachin, shinallatak Lidia Noboa de Granda wawakunaman takita, tushuyta, tawka takita wiñachin.
LM-KZ/pv/jc-kichwa
