Kay Soberanía Alimentaria minkashka, chay Agrobiodiversidad, Semillas y Fomento de la Agricultura Sustentable kamachiyta arinirka.
Kay hawa Mauricio Proaño, minkashkata kipapushak, kay kamachiyta churak, llaktakuapi, markaunapi kawsak 812 tantarikuna yuyayta churashka riksichin, chaypika 5.000 runakunami manarak kamachiyta arinikpi rimayta charirka nishpa willan.
Ashtawankarin, kay agrobiodiversidad hawa kaman, muyuta wiñachina kuskakuna tiyachun runakunata yuyachin, shinallatak tarpuykuna (agroecología, wanuwan tarpuy unipak tiyachun) yachachishpa yanapan.
Shinami, muyuta sapsi tarpuy tiyachun, sumakruraywan, yachaywan kapukyachikkuna kikinyayta charichun. "Kay agrobiodiversidad kawsayta kamayka, Ecuador llaktapi kawsak runakunapak shamuk punchapi mikuna tiyachun kamaymi kan", shinami Proaño rimarka.
Kay Miguel Carvajal, rimanakuy patakunata pushak, tantarikunapak, ñawpa muyuta charik ayllullaktakunapak (autóctonas) mañayta tikrachirka. Paykunaka kishpiyrishka kapukyachiyta, murukuna muyuta, muyukuna rantichinata rimarka.
Ñawpa muyuta rantinchinata munakkunaka kishpiyrishka ruranata ushanmi; pakllapi tiyak muyutami ñawpa muyu kan riman; kamachiywan arishka muyuta tarpunaka mana mañashkachu kan, chaypak wakin ñankunatami churan.
Kay mushuk kamachiywan Mamakamachiy rimashka ashtawan sinchiyarin, yanka muyukunata tarpunata harkan, kay yanka muyuta tarpushkamanta Código Orgánico Integral Penal (COIP) kamachiy wanachinka.
MG/pv/jc-kichwa
