Kay 27 puncha, ayriwa killa, 10:00 sayllata, 2013 watamanta, 2017 watakama llankak kamachiy killkakkuna, Gabriela Rivadeneira pushashka, Mamallakta Tantanakuy, minkashkakunapash paykuna llankashkata rikuchin, paypak llaktay ukupi kamachikkunata ari nishkata tukuykunaman willan.
Kay kutin llankayta rikuchinaka mushukmi kan. Mamallakta Tantanakuyta pushak, Gabriela Rivadeneira chusku watapi pay imashina kamachiykunata llankashkata rikuchin.
Mamakamachiy 83 nikipak, 11 yupaypi rikuchishkata paktachin, imashinami kari warmi Ecuador llaktapi kawsak runakuna tukuylla awlli kashkata riksichin, runakunaman mitachi kashkata willan, paykunapak llankayta runakuman rikuchin, kamachiy rimashkata katishpa kamachiyta arinishkata willan.
Shinallatak Participación Ciudadana kamachiypak, 92 nikipi rimashkata, akllashka kamachikkuna pay llankashkata rikuchichun nishkata paktachishpa llankashkata rikuchin.
Kay llankaytaka Mamallakta Tantanakuy punkuta paskashka kashkamantami shina rikurin, shinami kamachiy killkakkuna, llaktayukkunawan chimpapura yuyayta churashpa kamachiyta killkashkata willan, shinami runakuna tantarishpa mushuk Mamallaktata wallparin nishpa Gabriela Rivadeneira rikuchin.
Kipaman 11:30 sayllata, kamachiyta killkak minkashkakuna llaktayukman paykuna llankashkata, killkana ukupi rikuchin. Chaypimi paykuna ima kamachiytalla killkanatalla willan. Llankana patakupi ima kamachiytalla arinishkata sapan minkashkakuna rikisichin.
Kayashkakuna
Llankayta rikuchiman Mamallakta kamachikkuna, marka kamachikkuna, llakta kamachikkuna, hatun kamachikkuna, chikan hatun kamachikkuna, hatun tantarikuna, llaktayukkunapash kayashka kan.
RSA/pv/jc-kichwa
