Kay ishkaychunka Termómetro Ciudadano rimaypi, Mamallakta Tantanakuypak llankaymi kan.
Shinallatak, imashina Tukuylla allikawsayta rikuchin, Virginia Gómez de la Torre, payka Plataforma por la Salud, vida hawa riman, shinallatak Carlos Carvajal Vera, kamachik tukuykuna kanchik hawa rimarka.
“Hampina yuyayta mushukyachinami kan nishpa rimarka, unkuykunawan pakta, hampiyachishka kanka, kay yuyaywan unkuykunata harkanka.
Hampinapimi yupayta sakina kan, unkuyta harkankapa hatun hampi llikaman yallinami kan, ashtawankarin tukuylla llaktaytami paktachina kan, shinami”, Virginia Gómez rimarka. Runakunata kuyashpa rimanami kanka.
Pay Carlos Carvajal, Hatun kamachik allikawsayta tukuy llaktayta paktachirka nishpa willarka, unkuykunata harkana yuyayta charin. “Kay 10 wata tukun, allikawsaypak 2.300 kullkita churak karka, kunanka 7 waranka hunutami charin, kay kullkika yallik watakunapi rikukpika kimsakutin yallimi kan nirka”.
Llaktayukkuna chaypi kanaka hatunmi tiyarin. Chaymanta runakuna willaypi kari warmi llaktayukkuna rimayta charin, chayta rikushpa Gómez, kari warmi wawakunapak alli kawsay imashina katikushkata tapurka. Runakunata wachana wasipi warmikuna wachachun yachachina kan nirka, shina llullu wawakuna ama mamapak makipilla wacharichun riksichina nirka.
“kay warmikuna hatun llakipi, wakchayaypi kaktami rikuchin, wakin warmi wamrakunaka mamami tukun. Shinami 2 waranka, 500 warmi wamrakuna tukuy watapi chichun. Wamrakuna, wawata kamakmi rikurin. Kaymanta warmi wamrakunaka, llakichishpa chichuchishkami rikurin. Kunan punchakama 49 warmi kashkamanta wañuchishkami rikurin. Kari warmi runakunapak llakika mana chichunallachu kan, llullu wawakuna shitashkami sakirin”, nishpa rimarka.
PAU/pv/jc-kichwa
