Kay chilla puncha 09h30 sayllata, Mamallakta Tantankuyta Pushak Gabriela Rivadeneira, 448 yupay rimayta charinkapa kayan.
Chaypimi Relaciones Internacionales minkashka llankayta rimanka, chayka Ecuador llakta shuktak llaktakunawan 12 yuyarita charishkamanta, kullki wanayta hapishka hawa rimanka.
Mamallakta Tantankuyta pay rimana shuti ukupi, Ecuador llakta chay República Popular China, Chile, Venezuela , Reino de los Países Bajos, Suiza , Canadá, Argentina, Estados Unidos, España, Perú, Bolivia, Italia Mamallaktakunawan kullkita mirachinkapa, ukllankapa yuyarita charishka hawa rimanakunka.
Kay Relaciones Internacionales tawka tantarikunata charirka, chaypi 1965 watapi Ecuador llakta, kay shina yuyarikuna killkashka, chaypika 27 yuyarikunami llankarka. Achka yuyarishkakunami 1992 watamanta, 2002 watakama killkashka kashka. Shinapash 1998 watamanta, 2008 watakama Ecuador llakta mushuk Mamakamachiywan, kay paya yuyarikuna takarirka, chaymanta Corte Constitucional kamaywasi, Mamakamachiywan mana kimirin nishpa riksichirka.
Mamakamachiyta Rikukwasi, mushuk Mamakamachypak 422 nikika Ecuador paypak allpata mana mañachichun rikuchin nirka, sapan kamachiywan saywashka llaktakuna katunata mana sakin. Chaymanta kay yuyarikuna kamachiyta pakishkata rikuchin. Kay yuyarika ñukanchik Mamallaktapimi killkashka kan, awki llaktata ama llakichichunmi Mamakamachiyka harkan. Ista kamachiykunapash shinallatakmi riman.
Kay 1998 watapi Mamakamachiy killkarishka hawami, Ecuador llakta iskun yuyarikunata mana alli kakta, yuyarimanta llukshinata willarka, kayka Mamallakta Tantanakuy mana riksina karka, shinami: Uruguay, República Dominicana, Guatemala llaktakunawan mana yuyarin, shinapash El Salvador, Cuba, Nicaragua, Honduras, Paraguay, Rumania llaktakunawan kunankama yuyarikunata charin.
Kay 2008 watapi arinishka Mamakamachiywan Finlandia llaktawan yuyarita wanachirka, chay killka Registro Oficial pankawan, 2011 watapi wichkarka. Shinallatak Alemania, Gran Bretaña, Irlanda del Norte, Suecia Francia llaktakunawan wanay kallarirka, ñami Mamallakta Tantnakuypi rimarka, Registro Oficial kamachiykipupi llukshinallami sirikun.
Kaya puncha rimankuypi Mamallakta Tantanakuy China, Chile, Venezuela, Países Bajos, Suiza, Canadá, Argentina, Estados Unidos, España, Perú, Bolivia, Italia llaktakuwan yuyarikunata imashina sakirikta arininka.
PV/jc-kichwa
