Kay Límites entre Manabí, Guayas, Manga del Cura kamachiy ñami llankakun, Registro Oficial kamukipupimi llukshishka.
MamallaktaTantanakuy sarun 11 puncha, ayriwa killapi arinirka. Shinami Manabí markapi runakuna kawsankapa sakirirka, ñawpa ishkantin markakuna saywa llakita charirka.
Kay kamachiy chay llaktapi rikurishka saywa llakita chaypilla sakichin, chay llakimi Manga del Cura allpapi kawsak runakunapak llakita chaypilla sakichin, kunanka ña kamachiyta charinka, yakuta, mapa yaku rina tututa, achikta, ñanta, shuktak nipakunata charinka. Chay llankaypi marka pushak, kiti tantari, shulka mtantari puchanka.
Shina rimashpaka kay kamachiy llaktayukunapak kawsayta allichichun achkata yanapanka, shinami, Richard Calderón kamachiy killkak rimarka, payka kay Comisión de Gobiernos Autónomos tantariman kimirishkami kan, kay tantariman kay llakita pitinata aparishka karka, Mamallakta Tantanakuy atinakuchun killkanata minkashka kan.
Kunanka Manabí llaktapak markapushakmi chay mutsuykuna allichirichun yanapanata charin, shinallatak El Carmen kitimi kichkiyashpa achkata yanapanka, kay yuyaykuna kipaman Manga del Cura shulka tukunata rikuchinka.
Tukuylla kamaywasikuna, pay llankana karmapi, paypak kullkita llankachun churanka, chay kulliwan paykunapak tiksi mutsuyta allichinka, Manga del Cura llakta allichirinka, mana alli llankaykuna tiyashka kuskaman yanapanka.
LILA/pv/jc-kichwa
