Kay kamchiywan yanka muyukunata ukllanka, muyuta mintalana, rantinchinapash kanka Conferencia Plurinacional e Intercultural de Soberanía Alimentaria (Copisa) kamachiyta allchinka, kay Agrobiodiversidad kamachiyta, Semillas y Fomento de la Agricultura Sustentable kamachiyta runakunaman riksichinka.
Kay kamchiyka, Alllpa Kamachiywan, Recursos Hídricos kamachiywan paktachirishkami kan, chayman awki mikuna tiyachun yanapan, shinami Mónica Alemán rimarka, kay kamachiypak kallarika samimantami rikuchin.
Mamallaktapak 24 markapi tantarikuna llaktakunapi tapushkamanta mushuk yuyaykunata churashkami kan. Shinallatak, Esthela Acero kamchiy killkak, Mamallakta Tantanakuypak manutaka pakllapi kawsak runakunapak llankaywan tikrachinka, alli muyukumanta mikunaka 65% patsakri llaktakunata yanapanka.
Kamachiy killak Acero, mushuk kamachiypak nikikunaka mama ñawpa muyutalla ukllanatalla rikunchu, pakllapi kawsak runakunapak kawasayta allichinka nirka. Alli muyukunaman yaykurinaka ashtawan achka murukuna charinata yanapan.
Kamachiy killkak René Yandún, karumanmi rikuna kanchik nirka, ñukanchikpak Mamallakta shuktak llaktakunaman muyuta katunka, chaypak achka murukunatami charina kanchik, kullkitapash charinami kanchik nirka. Kay kamachiyta killkak Mauricio Proaño, chay murukunata pukuchinkapa mushuk ñankunata mashna kan nirka, mushuk llankaykunata wiñachinka.
Yanka muyumanta rimashpa, César Umajinga, Mamakamachiypi rimashkata sumaychachun nirka, Ecuador llakta yanka muyumanta kishpiyrishka kachun nirka. Shinapash, Mauricio Proaño, Esthela Acero, Rosa Elvira Muñoz yanka muyu yaykurichun, tarpurichun harkan.
Ñawpa muyukunata mirachina, ukllana kachun rimarka. Kay yuyayta Umajinga kamachiy killkak takan, kamachiyka ñawpa muyukuna paypura rantichirichun nirka.
Kamachiy killkak, Rosa Elvira Muñoz, mushuk kamachiypak 29 nikika ñawpa muyukunata rantichinatami riman, kishpiyrishka maypipash katunata, rantichinatallami rikuchin, kaytaka Gobiernos Autónomos Descentralizados (GAD) kamachikkunawan, tantarita pushakkunawan kishpiyrishka katuna pampakunata, kimirishpa rikunatami riksichin, kishpiyrishka pakllapi katuna yanapanka.
LILA/pv/jc-kichwa
