Kay Relaciones Internacionales minkashka mushuk Código de Entidades de Seguridad Ciudadana y Orden Público kamachiyta ishkaykutin atinakuchun arinirka.
Kay kamachiyka Mamallaktapak kamaywasikunapak ruraykunata, llankaykunata pushankapa nikin, allichin. Minkashkata kipapushak Dora Aguirre shina rimarka, shukkutinllami, Mamallakta llankayta nikishka, tantarishka llankayta charinka, shina alli llankayta charinka nirka.
Kay kamachiyka chusku kamuta charin, shuk kallarimi kan. Kallari kamuka Mamallakta Chapakta riman, chapakkunata yachachina hawa riman, amawta yachayta allichin.
"Kay kamaywasipak El Instituto Tecnológico Hatun Yachanawasiman tikran, mana chapakkunapash yanachanata ushan", shinami Aguirre kamachiy killkak rimarka. Kay kamuka ayllukuna tantarichunmi achkata yanapan, karumanta wasi kuchuman shamuchun, unipak llankayta charina tantarichun yanapan.
Kay kamaywasita nikik kamachiyka 1998 watamantami llankamun, mushukyachishka kashpapash allichinami sirin, “Kay 2008 watapi arinishka Mamakamachiywan tukuyka mana kimirinchu, Mamallakta Chapak munashkata mana paktachinchu, kunanpi chapakka mana uyanalla, kishpiyrishka kana, tukuypak chapakmi kana, shinallatak Mamallaktapi paya kamana yachaymanta, yuyaymanta karuyachinmi”.
Kati kamupika, kay Sistema Especializado Integral de Investigación, Medicina Legal y Ciencias Forenses kamachiy hawa riman. Kay kamaywasika, kamachiywan chapakkuna washa, tantarikunata yaykuchin, shinami Dora Aguirre kamachiy killkak rimarka. Chay Medicina Legal y Ciencias Forenses yachak kunanpi tiyak waranka chapakkunata, 59 rikukkuna yaykuchinka. Kay llika tawka kamaywasikunata kimichin, Fiscalía kamachik rikushka kanka, shinami kamachiy killkak rimarka.
Shinallatak III niki kamuka, chay Servicio de Protección Pública llankayta wiñachinka, tantarimanta shamuk, sumakta yachak, patachishka, chanishka runakuna llankanka, kay chapakkuna hatun awlliyta rurak kamachikkunata kamashpa llankanka, Mamallaktapak hatun wasikunata kamanka, paykunaka Ministerio del Interior kamaywasi rikushka kanka. Shinami Eduardo Zambrano kamachiy killkak rimarka, ayñita charik runakuna mana kanchu. Katipi rikurik kamukunapash kamachiypak shuktak yanapaykunatami rikuchin.
LILA/pv/jc-kcihwa
