Imashinami Mamakamachiy, Función Legislativa Hatun kamahiy rimashkata katishpa, inti, 14 puncha 10:00 sayllata mushuk Mamallakta Tantanakuy tiyarinka, paykuna 2017 watamanta, 2021 watakama llankanka.
Yalli apuchita charik mushuk kamachiy killkak, kunan puncha akllay pankata chaskik, José Serrano, chay twitter willaypi killkashka, Ecuador llakta arinishka mana samarishpa katin.
Sarun punchakuna kay willakllapitak “ Ecuador llaktapi rimanakuy tiyachun tantarishpa llankashun nirka, Mamallakta Tantanakuyman llaktayukkuna shamuchun” nirka.
Imashinami Mamakamachiy rimashkata hapishpa, Mamallakta Tantanakuy Quito kitipi tiyarinka, mayhanpash mana kayashka payllatak aymuray killa, kay akllashka watapi tantarinka, kay Función Legislativa Hatun kamachiy 10:00 sayllata rimanakuy kallarinka.
Kay kamachiyllatak kay tantaripi Mamallaktapak Awllikpi kamachikkunata churachun riman. Kay tantarita “Mamallaktapak yalli apuchiyta charik kimsa kamachiy killkakkuna kay tantarita pushanka, Pushayta, Kipapushayta, killkakamayukta paykuna pushanka”. Kay hatun tantarika “ kamachikkunata tiyachishpa anchurinka”.
Kamachikkunata akllaypi, kari warmi kamachiy killkakkunami akllarinapak shutikunata churanka, paykunami kari warmi Pushakta; shinallatak shukniki Kipapushakta, ishkayniki Kipapushakta churanka; katipika Consejo de Administración Legislativa tantariman yaykurichun shukniki rimaycharikta, ishkayniki rimaycharikta, kimsaniki rimaycharikta, chuskuniki rimaycharikta churanka.
Paykunaka, “sapan llaktay tantariman yaykurishkami akllanka”. Tukuy llaktay tantariman yaykurishkami akllanata charin. Mana llaktay tanatri tiyakpika, tukuy kamachiy killkakkuna tantarishkamanta mayhantapash surkunka.
Kay kamachikkunaka ishkay watatami llankanka, mayhan akllarikkunaka chay pachallatakmi llankaypi tiyachishka kanka, kutinpash akllashka kanka.
Kutin 12 punchanta minkashkakuna, Rikukkunaka Mamallakta ña tiyarishka katik pacha, Hatun tantaripi akllanka, shina kamachiy rikuchin, chaypi Hatun Tantari akllashpa yaykuchinka. Tukuy kamachiy killkakkunami minkashkaman yaykurishka akllanka, Mamallakta Pushak, Kipapushakmi mana yaykurishka kanka.
Minkashkakunata Mamallakta Tantanakuy Tiyarishka kipami pusak punchapi pushakkunata akllashpa churanka. Tiyarishkalla pushakkunataka, mayhan yalli apuchita charikmi pushanka. Paykunallatakmi kari warmi Hatun Pushak, kari warmi Kipapush tiyarinka.
LILA/pv/jc-kichwa
