Kay PAIS Llaktay Tantariman yaykurishka kamachiy killkakkunapak llankayka, “Toda una vida” llankaywan paktakay, paktaraki tiyachunmi chayankana.
Kamachiy killkakpak Carlos Viteri, paypak Llaktay Tantaripak llankayka Mamallakta Pushakwan kimirishpa kamachiyta killkashpa llankaymi kanka nirka, shinami ashalla pachapi “Toda una vida”, llankayta Mamallaktapi paktashun nirka.
Kay llankaytaka Lenín Moreno churashkami kan, shinami pichka tiksi llankay kan, kay tukuy runakunapak, tantarikunapak mutsuyta allichishun nirka.
Kay ñanpillatak, Marcela Holguín, Pichincha markamanta kamachiy killkak, paypak llankayka Moreno Mamallakta Pushakpak llankakayman kimirishkami kanka, Ecuador llaktapi paktakay, paktaraki tiyachun, nirka.
Shinallatak, Imbabura markamanta José Chalá Cruz, kamachiy killkak, PAIS llaktay tantari, paypak llankay “Toda una vida”. Llankaywan kimirinka nirka. Yapa, chay afroecuatorianos runa kashpami, sapsipak, ayllullaktapak, llaktapak, runallaktapak hayñikunata ukllankapa kanka nirka. Riksina llankaypash allimi kan, katikilla ukupi shukniki llankaymi tiyanka nirka.
Kay Diego García, Imbabura markamanta kamachiy killkak Ecuador llaktapi paktakay, paktaraki tiyachunmi sinchiyachina nirka, kullkita yalli, runata kuyana kachun llankana nirka.
Paymanta, Pabel Muñoz López, Pichincha markamanta kamachiy killkak, PAIS Llaktay Tantaripak llankana tiksika tukuykunapak alli kachun, Ecuador llaktapi paktakay, paktaraki tiyachunmi ñakarina nirka, shinami hayñikunata kamankapa, wakchayayta washaman churankapa achkata llankana; unipak alli llankay tiyachun, kapukllachikta, kullki llikata hawaman churachun kamachiyta killkana nirka.
PAU/pv/jc-kichwa
