Kay 72 arinishka apuchiwan, 58 shuyay apuchiwan Patricio Donoso kamachiy killkakta, Consejo de Administración Legislativa (CAL) tantaripak chuskuniki rimay charikta churarka.
Shinami chaypi kak 134 kamachiy killkakkunawan Mamallakta Tantakuypak 455 yupay tantaripi churarka.
Shinami CAL tantari: José Serrano Salgado Mamallakta Tantakuyta Pushak; Viviana Bonilla Salcedo, shukniki Kipapushak; Carlos Bergmann Reyna, ishkayniki Kipapushak; shukniki Rimayata charik, Soledad Buendía Herdoíza; ishkayniki Rimayta charik, Verónica Arias; kimsaniki rimayta charik, Luis Fernando Torres; chuskuniki Rimayata charik, Patricio Donoso tiyarinkuna.
Mamallaata Tantankuypak kamachikkuna José Serrano, Viviana Bonilla, Carlos Bergmann, mushuk kamachikkunata tiyachirka. Mamallakta Tantanakuyta pushak Donoso kamachiy killkakta tiyachirka, Mamakamachiypi rimashkata paktachisha nirka, paypak llankayta yanapak kamachiyta paktachisha nirka.
Kay Fernando Burbano, Mamallaktapi CREO-SUMA tantarita pushakmi Patricio Donoso kamachiy killkakpak shutita churarka, Mamallaktapak tawka llaktay tantari rikushka kana nirka.
Mamallakta hunta tantari Donoso kamachiy killkakta yanpanachun mañarka, shina rimanakuyta charishun nirka, rimanakushpami hatun kamachikpak llankakkunata, chaypi kashpa llankakkunata yanapashun nirka. “ Kaypimi kari warmi Ecuador llaktapi kawsak runakunapak rimay kan. Llakta ushaypak yuyay kan, yaykurishpa llankay kan”, rimarka.
Kay Consejo de Administración Legislativa Mamallakta Tantanakuypak hatun kamachik kan. Mamallakta Tantanakuypak llankayñanta ruranata paypak makipi charin; mushuk kamachiykuna killkashkata arinina, mana nina kan nirka; Mamallakta Tantakuypak hunta tanariman yuyayta churanata ushan; sapa watapak Mamallakta Tantanakuyman kullkita churana ushayta charin.
PAU/pv/jc-kichwa
