Chunkashuk minkashkakunapak, Fiscalización minkashkapak Pushakta, Kipapushakta churarka, paykuna 2017 watamanta, 2019 watakama llankanka.
Shuk minkashka mana akllarka. Kamachikkunata akllashka kipa ña kamachiywan llankayta kallarinka, imashinami Mamallakta Tantanakuy rimanakuyta charichun willaykunata killkanka, arininkapash. Shinallatak llankaytapash katinka.
Kimsa minkashkakuna, Gobiernos Autónomos, Régimen Económico, Soberanía Alimentaria minkashkakuna, pushak tiyachun tukuykuna yanaparka.
Shinallatak wakin minkashkakuna kutintak akllashka sakirirka. Chay Salud tantari, Fiscalización tantari sakirka. Tawka minkaskkakuna karintin, warmitin chimpapura tiyachirka.
Kay Justicia y Estructura del Estado minkashkata, Marcela Aguiñaga pushanka, Franklin Samaniego kipapushak kanka. Kay Minkashkata pushak sinchi llankayta 30 mushukyachina kamachiy tiyan nirka, shukka Código Orgánico Integral Penal kamachiy kan, kay Democracia y de la Niñez kamachiyta allichina, paraísos fiscales kamachiytapash arinina kan nirka.
Kay Doris Soliz, Comisión de Soberanía, Integración, Relaciones Internacionales y Seguridad Integral minkashkata pushanka, chunka shuk kamachiy killkakkuna apuchiwan yanaparka. Pay, Esther Cuesta kanchis apuchiwan, kipapushak akllarirka. Shinami Doris Soliz tukuykunata yupaycharka, llakta ushaywan llankashun nirka, kamachiykuna Mamallaktapak alli kachun kamachiyta killkana, arinina nirka.
Shinami 9 apuchiwan Comisión de Educación minkashkata, Augusto Espinosa kamachiy killkakta Pushak kachun churarka, Silvia Salgado kipapushak yaykurka. Kay minkashka hatun llakta ushaywan llankanka nirka, tukuy kamachiy killkak mushuk kamachiykunata arininka, mana ninka rimayta charinka nirka.
Kay Participación Ciudadana y Control Social minkashkami mana shuklla yuyaypi sakirirka, shamuk punchakunami pushakkunata churanka. Kay Marcelo Simbaña kamachiy killkak, “Tukuykuna shuk yuyayta charinkapa, rimankuymi alli kan”, nirka.
LILA/pv/jc-kichwa
