Kay Comisión de Régimen Económico Pabel Muñoz (pushak), Mariano Zambrano (kipapushak).
Shinallatak Carlos Bergmann, Esteban Melo, Juan Lloret, Soledad Buendía, Viviana Bonilla, Henry Kronfle, Mae Montaño, Franco Romero, Wilma Andrade, Gabriela Larreátegui kamachiy killkakkuna tukuy llaktay tantarikunawan kimirishpa llankana nirka.
Kay Régimen Económico tantaripi yaykurishka kamachiy killkakkuna Pabel Muñoz kamachiy killkakta pushachun churarka. Shinallakta Mariano Zambrano kipapushak yaykurirka, paykunaka 2017 watamanta, 2019 watakaman llankanka
Kay Pabel Muñoz payman kushka apuchikunata yupaychashka kipa, pay pushana minkashkata chaskirka, tukuykuna rimanakuyta charinkapa punkuta paskashka kan nirka, Mamallaktapak alli kamachiyta killkanka yuyaykunawan takarishpa achkata yanapanka nirka.
Mamallakataman llankana munay, uchilla tantariman llankana munay achikllami rikurina kan. Kay Ecuador llaktapak munaymi sapan minkashkakunapak rimanakuypi arinishkakuna kallaripi kanka, tukuy pushakkunapak hatun mañaykunata, hatun munaykuna chaskik kanka, nirka
Shinallatak Soledad Buendía kamachiy killkak, Pabel Muñoz kamachiy killkak pushak tukuchun shutita churarka, tarpukkunawan, kapukyachikkunawan rimanakuyta charina nirka. Kay yuyaytami kay minkashkaman kimirishka kamachiy killkakkuna hapinata charin, chaypak kay kullki rikurichun llankaykunata tankak kamachiykunata killkana , shinami llankay, kapukyay, llaktakuna wiñariy rikurinka nirka.
Paymanta, Mamallakta Tantanakuypak Kipapusha, payllatak Régimen Económico tantariman yaykurishka, Carlos Bergmann, chikan chikan yuyayta, rimayta sumaychashpa rimanakuy tiyachun pushana nirka. Kay minkashka tantari yuyaykunawan takarik kamachiy killkakkunawanmi wallparishka kan, rimanakuypi ama piñanakuyman, makanakuyman yaykurichun pushanami maymutsurik kan, nirka.
JLVN/pv/jc-kichwa
