Mamallakta Pushak, Rafael Correa Delgado, Código de la Niñez y Adolescencia mushukyachina kamachiyta Mamallakta Tantanakuyman kacharka, marupi rikuchishkata wawakuman mikunata charichun, yayamama rakirishkalla kashpaka, ishkantin mashna kullkita hapikushkata rikunata charin.
Kay mushuk kamachiyka yayamama sawarishkamanta rakirishka kawsakpimi, mana alli wawakuna kawsakukpi achkata yanapan, rakirishka kari wawaman mana kullkita kun nishpa, churita ushushita rikukuchun mana mitsanachu harkan.
Wawakuna rikunaka wawa ama shunkupi llakirichun, taytata ama mashkachunmi kan, shinami runapak hayñita paktachin. Tayta mama wawata ama sakichunmi kan, imashina wawata kamana, taytapak mamapak hayñikunatapash rikuchunmi yanapan.
Ayllu ukupi kawsana
Mushuk kamachiyka, mawka kamachiyka tayta mamawantin kawsashpapash kari warmi wawakunapak, imillapak hayñita mana kamanchu ninmi. Mamakamachiypi tayta mama ishkantin wawata rikuchun, kamachun, kuyachunmi riman.
Chaytami mawka kamachiyka mana paktachin, tayta mama rakirishka kashpapash Mamakamachiypi rimashkatami paktachina kan, mana shuklla kipita shina wawata wiñachinkapa rikunata charinchu, kayta rikushpami Libro Segundo del Código de la Niñez ashtawan allichina kan.
Kay mushuk kamachiyka tayta wawata rikunatami ashtawan allichin, tayta paymanta churita, ushushita rikunatami yachachin, kay kamanakunata mana paktachishkatami ashtawan allichin, shinami kay mushuk kamachiy yuyayta tiksishpa rikuchin.
MC/pv/jc-kichwa
