Kay Hugo Quiroz, Fausto Cobo, Rosa Mireya Cárdenas, Patricia Terán, Pamela Aguirre kamachikkunami Apya-yalapi mushuk rimayta charikkuna tiyarirka, paykuna José Serrano Salgado Mamallakta Tantanakuypak ñawpakpi kamachiyta, llaktata iñirka.
Shinallatak Gabriela Cruz Salazar, Claudia Cobo, Huber Hurtado, Larry Yimubanda, Fabricio García, kipa rimayta charikkuna tiyarirka.
Tiyarishka kipa, Hugo Quiroz, tawka kawsaykuna tantarinaka maymutsurikmi kan, chaymi Parlamento Andino tantaripak llaktay kan. Chayka kawsaymi kan nirka, hatun ayllullaktapi yanapay tiyachun, kayman tantarishka Mamallaktakuna wiñariy chikan chikan kay ashayarichun nirka.
Kay Comunidad Andina llaktakunawan ashtawan tantarinkapa, yanapankapa Mamallaktapak kullki llankaykuman makita kuna kanchik nirka.
Rimayta charikkunaka mana kamachiy killkakkuna shina kamachiyta killkakchu nirka, kamachiywan chimpapurami llankan, chay imashina llankaykuna chimpapura llankashpa rikuchin, shinami Parlamento llankayta rikuchin, suyupi yaykurishpa llankanatami ashtawan sinchiyachin. Suyupak llaktay llankayñanta rurachun rimayta charin, yuyaytapash kun.
Kay Parlamento Andino kamachikkunami, chay Comunidad Andina (CAN) llaktakunata rikunka. Paykunapak llankayka Comunidad Andina llaktakuna ima llakita charikpi, yuyayta kuna, rimanakuy charinata ushan.
Kay hatun tanatriman pichka Mamallaktakunami yaykurishka kan, chayka: Bolivia, Colombia, Ecuador, Perú, Chile llaktakunami kan. Sapan Mamallaktapi, paykuna kamachiy killkakta, Mamallakta pushakta akllay charishka punchapi akllan.
Kay tiyarita Mamallakta Tantanakuypak 456 yupay tantaripimi pusharirka, shinami paykuna apyayalapi runakuna, llaktakuna kasilla kawsayta charichun llankanka.
PAU/pv/jc-kichwa
