Kunan watapi Mariano Zambrano (AP) llaktay tantariman yaykurishka, Manabí markamanta kamachiy killkak akllarirka, payka 31 watatami charin, paypak markapak shutipi Mamallakta Tantanakuypi hatun rimayta charinka, paypak yuyayka mushuk llankaykunata wiñachinkapa kamachiyta killkanami kan, tantarikuna alli kachun shuktak hatun llankaytapash wiñachinka.
Kay llankayka llaktay tantarikuna tukuri akllapi willashkata paktachishpami shina rurashpa katina kan. Chay killkashka kamupika pakta runakuna, mushuk runakunata wallpay yuyaywan wiñachishkami kan. Shinami pakta runakunakuna yachaykunata, mushuk llankaykunata, kapchita, mushuk kapukyachikunata ñawapachinka.
Kay Organización de las Naciones Unidas tanatrika, Apya-yalapika 15 watamanta, 24 watakama charik kimsa pakta runamanta shuk mana llankayta charin nirka, shinallatak ishkay, kimsa ruku runamanta hawapimi taririn. Kay suyupika 30 hunumi llankaypi mana rikurin.
Kay Ecuador llakta llankaypi hatunyashka kashpapash, Zambrano kamachiy killkak chayrak llankanakami sirin nirka. Kullkita mañashpa llankachun achka tatkikunata runami sirin, chayka: yachachina, sumakruraykunaman yaykuna sirin nirk. Mushuk kamachiy killkak Economía Popular y Solidaria kamachiyta mushuk llankayta kallarinka allichina rikurin nirka.
Tukuyman Kawsaykayman yaykurina, Plan Toda una Vida llankayman paktankapa shuktak, shuktak llankayta tankanami rikurin. “Runakunawan llankashpaka paktashunmi”, chaypak mutsushka kamachiykunata allichishun nirka, “kamachiykuna mana rumipi killkashka kan, allichinkapa killkashkami kan”.
LILA/pv/jc-kichwa
