Kunan tutamanta, José Serrano, Mamallakta Tantanakuyta pushak, pay llankana ukuman Ángel Gende, Encarnación Duchi, Jaime Olivo kamachiy killkakkunata chaskirka, runakunapak tantarimanta tawka pushakkuna chayamurka.
Paykuna kiti ñankunapi kaparishpa llakishkamantami wanachishka kan, kay wanachishkata chaypilla sakichichun mañankapa shamurka, shinami 8.300 yanapak shutikunata apamurka, 177 wanachishkakunapak shutita apamurka.
Kayami sapan wanachishka runapak llaki imashna kashkata rikuchun kamachikkunata churanka. “Mana tukuyta shinallatak kakta rikunachu. Shinapash Mamallakta Tantanakuymanta ñallami chaskinka, shinami”, José Serrano rimarka.
Shuk hatun tatki
Runa tantarikunaman, Mamallakta Tantanakuyta pushak runa tantarikunaman chayashka may allimi rikurin nirka. “Alli rikuyta charinchik. Kay tatkita katichun riksinchikmi, mana paykuna kunataka mana mañanachu kanchik, wanachiyta kishpiychichun mañayta Mamallakta Tantanakuyta pushakapak makipi churashka may hatun paktaymi kan”, warmi kamachiy killkak Encarnación Duchi shina rimarka.
Kallaripika 10:30 sayllata, José Mejía Lequerica ukuman chayarka, kallaripi José Serrano Mamallakta Tantanakuyta pushakman chayarka, katipika wanachishka pankakunata chaskirka. “ Wanachiyta kishpiychinaka llaktay yuyarimi kan, mana kamachiywan kishpiychinachu kan nirka, shinapash, sapan llakikuna imashina kashkata rikunami kan, Mamallakta Tantanakuymanta ñallami alli willayta chaskinka, shinami”, José Serrano rimarka”.
MC/jc-kichwa
