Mamallakta Tantanakuyta shukniki kipapushak, Viviana Bonilla, minkashkapak rimanakuyta pusharka, kunan 30 puncha, aymuray killapi karka, minkashkapak pushakkuna kaypimi karka.
Kay tantarika pushakkuna kallari 100 punchapi llankana hawa riksinkapami karka, chay llankaykunata riksishpa Mamallakta Tantanakuypak kati killata rurankapami karka.
Kamachiy killkak Bonilla, kay katikilla llaktayukkuna mañashkatami rikuchinka. Mamallakta Tantanakuypak llankaypi tukuy kamachiy killkakkuna kachun nirka.
Kamachiy killkak Viviana Bonilla, Mamallakta Tantanakuyta pushak José Serrano, minkashkakuna rikuchishkwanmi llankanka, kaytaka shamuk punchakunami rikuchinka. Shinapash Mamallakta Tantanakuy munashkalla mana kankachu, llaktayukkuna munashkapashmi kanka.
“Shinami 137 kamachiy killkakkuna tukuy minkashkakunapak katikillata riksinata charin, chay llankanakunata riksishpa rimanakuyta hatunyachin”, sapan 15 puncha, 30 puncha tantarina nirka .
Kay minkashkaman mana kimirishka kamachiy killkakkuna, Viviana Bonilla pushak, shuk minkashkapak pushakunaman riksichichun, shina llankaykunata rurankapa makita kuna nirka. Shinami shuktak mana kimirishka kamachi killkakunapash paykunapak yuyayta churanka. "Runakuna kaypi kana Mamallakta Tantanakuymi kan, ñukanchikllatak kimirina kanchik", rimashpa riksichirka. Shamuk puncha tantaripi rimana yuyaykunapash willanata ashtawan rikunka nirka.
LILA/pv/jc-kichwa
