Shinami Mamallakta Tantanakuypak Juan Montalvo pampaka, Red de Maestros yachachikta chaskinkapa uchillami sakirirka, kay Educación Intercultural (LOEI) kamachiy mushukyachun pankata sakinkapa shamurka.
Chaypimi shuktak tukuylla llankakkunawan pakta paykuna llankashkamanta kullkita hapichun nirka; llankaypak mishanakuy, unipak llankay tiyachun, yachayta hapichun mañay kanka.
Tayta, José Serrano, Mamallakta Tantanakuyta pushak, Wilmer Santacruz, Red de Maestros tantarita pushakpak makimanta mañayta hapirka. Mamallakta Tantanakuy kikinkunapak mañayta yanapanka nirka.
Ashtawanakarin, “Yachayta minkashka tawka yuyayta charik llaktay tantarikuna yaykurishkami kan nirka, shinapash yachayta sinchiyachinkapami tantarishpa llankan nirka, yachayka yachay sinchiyachun tiksimi kan nirka”, shinami Serrano rimarka, shuktak tukuylla llankakkunawan mana pakta kachun sakinaka pantami kan.
Arinishka
Mamallakta Tantanakuyta pushak manarak rimakpi, yachachikkunaka ñami José Mejía Lequerica ukuman chayarka, achka tantarishka yachachikkunata chaskirka. Kamachiy killkakuna llaktapi llankankapa arinirka, shinallatakmi José Serrano Mamallakta Tantanakuyta pushakpash utkashpami paktachishun arinirka.
“Mañayta manarak Consejo de Administración Legislativa tanariman chayachishpa llaktakunapi llankachun nirka, mutsukkunawan kamachiyta rurashun, kikinkuna mana kaypi kakpika mana kamachiyta rurashunchu nirka”.
Shinami Serrano, Comisión de Educación utkashpa llankanka, chaypimi yachachikman, yachakukman llankay rikurinka nirka, wakin nikikuna kaytami mutsunka nirka. “yachachikkuna manarak mishanakuyman chayakpi yachachishkami kanka nirka; pushakkunaman kullkita kunami kanka, ñukanchik Mamallaktapi shukniki sami, ishkayniki sami llaktayukkuna tiyan, kaypimi tukuykunami paktapakta kanchik nirka”, shinami Serrano rimayta tukuchirka.
MC/pv/jc-kichwa
