Kay Biodiversidad minkashka, raymi killa, 5 puncha Día Mundial del Ambiente aknayta rurankapa yuyarikun, kaytaka Johanna Cedeño kamachiy killkak pushakun.
Shinami kay punchata Asamblea General de Naciones Unidas tantari, 15 puncha, kapak killa, 1972 watapi yuyarirka.
Mamallakta Tantanakuy, chay Ministerio de Ambiente kamachikkunawan ishkantin kay aknayta pushanka, shina llaktayukkunata pachamamata kamachun yuyachinka, shina shamuk runakuna mana mapayashka pachamamapi kawsanka.
Warmi kamachi killakak Código de Ambiente kamchiyta minkashka ñami arinirka nishpa waillarka, kay kamachiymi pachamamapak hatun hayñikunata hapin nirka, ashtawanakarin Mamakamachiypi rimashka hayñitami hapin nirka.
Runakuna uksi pachamamapi kawsanatami kamachiyka yanapan nirka, Mamallaktami pachamamata allichina llankayta hapin, karupi kikinllatak kamachik pachamamata, chirikunuk rantinchirikta, ukllashka kuskakunata rikunata charin, uchilla hatun sami wiwakunatapash rikunatami aparin.
Kay sumak yachaykunata llaktakunapi riksichina, shina unipak, wakaychishpa, ukllashpa, pachamamata charinka kamayta runakuna, kamaywasikuna aparina nirka.
Kamachiy killkak Johanna Cedeño, chay Ministro de Ambiente, Tarcisio Granizo kamachikwan rimanakuyta charishkata rikischirka, shina chay Día Mundial del Ambiente aknayta ishakantin pakma pushankapa: pachamamata, tawkasami kawsayta kamana nirka.
JLVN/pv/jc-kichwa
