Hatun kamachik Serrano, Mamallakta Tantanakuyta pushakpak llankayta, kamachikkuna llankashkata katina, tukuy paktapakta kachun, runakumawan ishkantin kamachiyta killkanka.
Shinami rimanakuna, llankaypi kana ashtawan kallaripi kanka. Kunan hunkapi Fiscal General, Carlos Baca hatun kamachikta Mamallakta Tantanakuyman kayanka.
Chaypimi Odebrecht llaki hawa taripay imashina katikushkata rimanka. Kay llakita katinami kallari llankay kanka, tawka tantarikuna rimarka, minashkakuna paykunapak llankayñanta ruranka.
Mamallakta Tantanakuy hunta
Kulka, 1 punchas, raymi killapi, José Serrano shamuk hunkapi Fiscal kamachikkta kayanami kan kutintak rimarka, paymi Odebrecht kullkita kushka hawa taripay imashina katikushkata willanka nirka.
Chaypimi tukuykunapak ñawapakpi willay kana, pakalla willay kankata rikunka, imashina kamachiy kachashkata paktachinka, shina llakta kunkarina, mana kunarinata riksinka..
Chay tantaripillatak, kamachiy killkakkuna chay Agrobiodiversidad, Semillas y Fomento de la Agricultura Sustentable kamachiyta Mamallakta Pushak alichishkata, kay kamachiy yanka muyuta taripana hawa rimarkakuna, shuktak sami llankayta harkan, shina Mamakamachiy rimashkata paktachina kanka.
Shinami Mamallakta Tantanakuyta pushak rimarka, Mamallakta Tantanakuypak kamachikkuna llaktakunapi llankayta riksinkapa katinka, paykuna taripayta riksichinka. Shinapash kay llaktapi achka mikuykuna tiyanka.
Kay Día del Niño kakpi, Mamallakta Tantanakuy wawapak hayñita ukllana, kamana hawa rimarka. Ishkay wawakuna, Consejos Consultivos de Niñez tantari, paykunapak llakikuna hawa rimarka, chayka: takay, yachay, allikawsay, wiñachina, kamashka kitikuna, shuktakkunatapash rikunka. Chishiman Mamallakta Tantanakuywan, Consejo Nacional de Igualdad Intergeneracional tantariwan shuk yuyarita killkarka, pakpakta llankankapami chayayuyarika kan.
Tukuykunapak wasi
Tawsami runakuna, tantarikuna, kamachikkuna paykunapak yuyayta uyachichun, mutsuykuna rikuchichun Mamallakta Tantakuy punkuta paskashka. Chaymanta Mamallakta Tantanakuyta pushaka José Serrano, runapak tantarita, kapukyachikta, llankakwasi charikta, tantarikunata, warmikunata, wawakunata, yachachikkunata, ista tantarikunata, kikinllatak kamachikta, shuktakunatapash chaskishka.
LILA/pv/jc-kichwa
