Mamallakta Tantakuyta pushak, José Serrano Salgado, Mamallakta Tantanakuypak 458 yupay tantariman kayarka, chayka 6 puncha, raymi killa, 15:00 sayllata tantarinka.
Chaypimi Interpretativa kamachiy 58 nikita, kayka Servicio Público kamachiypak ukupi sakirin; kay Servicio Público kamachiyta, Código del Trabajo kamachiyta, chay Función de Transparencia y Control Social kamachiyta rimanka.
Chaypimi Servicio Público kamachiypak 58 nikita yapa rimanka, kamachiyka mushuk Marllely Vásconez kamachiy killkak kamachishkami kan, kay kamachiypika mayhan kamaywasi mutsukpi llankayta 12 killakama llankay yuyarita rurana hawa rikuchin, kullki yaykurishka hatun llankaykunapi llankakkunapillami yalli killapak yuyarinka.
Chay Servicio Público kamachiypak 58 nikipi rimashka, ashalla pachapak llankayta kushka, shinapash chayka unipak wata llankayta kushka nishaninmi, LOSEP kamachiypak 66 nikita yuyachin, maypi llankana kuska chushaklla tiyaktami rikuchin.
Shinallatak Servicio Público kamachiyta, Código del Trabajo para Prevenir el Acoso Laboral kamachiyta, yallik Raúl Auquilla kamachiy killkak, yanka llankachishkata wanachinami rikuchin.
Chaymi ‘mobbing’, ‘bossing’ rimaykunata yaykuchin, llankachikmanta, paypak ayllumanta, payllatak shuktak makiwan llankayman alli rikuyta chayachinka, shinallatak llankachik munashkamanta ima pachapash llankaymanta surkunka.
RSA/pv/ jc-kichwa
