Kamahiy killkak Mónica Alemán Mármol kay Justicia y Estructura del Estado minkashkapi mushuk Código de la Niñez kamachiyta rikuchirka.
Chay Pichincha markamanta shamuk kamachiy killkak, kamachiypak 44, 45, 69 nikuna allichirishkata rimarka, ista kamachiykunapipash wawapak hayñikunatami riman nirka.
shuktak runakunapak hayñi hawapimi kan nirka, Mamallakta paykunapak hatun kachun yanapan, shinami kimsa yuyayta charin (makita kuna, iskantin llankana, shuktak ayllluman kushka llakita), mikunamanta riman.
Chaymanta kishpiychikkuna mana piñachu kana karka, rikrata paskashpami yanapana karka, wawakunapak, imillapak yachayta, mañaytami hapina karka, wanachiyta mashna watata charikta rkiushpa, sinchi yuyayta charikta rikushpa kamchiyta apakatachina karka.
Kari warmi wawakunapak, imillapak mutsuyta, kamayta chanina; killkana ukumanta willayta, shukta rikuchik pankunatapash chanina tukunka; tayta mama piñarishpa makanakushkamanta wawa llakirishkata, karu ayllu llakita charishpa wawata manchachishkatapash rikunami kan nirka.
Imashinami tayta mama rakirishkamanta tayta mikunata, churarinata, hampita, shuktak mutsuyta kuna kaktapash kamachiywan paktachinami kan, shina alli kari warmi wawa wiñachun, runa tukuchun.
MG/pv/jc-kichwa
