Kay Biodiversidad minkashka, Consorcio Nacional de Gobiernos Parroquiales y Rurales Amazónicos tantarita pushak, Carlos Lara rimashkata uyarka.
Payka 166 shulka tantarita pushak, chay Baños kitipak, Rio Verde, Río Negro, Matus llaktakuna mana yaykurichun nirka.
Chaymi, shinallatak Penipe kitipak El Altar, La Candelaria, Bayusig llaktakunatapash mana yanaparichun nirka.
Kamachikkunawan rimanakushpa yuyaripika kay Tungurahua, Chimborazo markakunapak shulkakuna yaykurinami rikurin, kitikuna 3 % patsakri kullkita kukpimi yaykurinka. Chay San Francisco, Agoyán zirma llankakkunami Fondo Común kullkita chayachinka, chay kullkitaka tukuy Antisuyuman rakina kan.
Chay Lara pushak, chay 2 % patsakri kullkimanta, 4 % patsakri kullkiman yallichichun nirka, chayka sapan punkara mankata katushkamantami kan, mana ishkay dólar kullki urayman kachun nirka, shina Antisuyu kullki tiyarinka.
Kay kullkita shulkakuman kachana shuk yanapay yuyaytami charina nirka, markapak kamachikkuna, kitipak kamachikkuna yanapana kan nirka, chaypak 28 % patsakrimanta, 26 % patsakriman urayachina nirka, kayka antisuyu kamachikkunaman kanka; shinallatak 58 % patsakrimanta, 55 % patsakriman urayachina nirka.
Shinami, antisuyupak kiti kamachikkunaman kanka; shinallatak 6 % patsakrimanta, 15 % patsakriman paklla sulkakunaman kachun, 8 % patsakrimanta, 4 % patsakriman Fondo Común kullkiman yaykurichun nirka.
JLVN/pv/jc-kichwa
