Kay puncha 10:00 sayllata, Educación Intercultural (LOES) kamachiyta rimanakuy ishkaykutin paktanka, chayka Colegio Vicente Rocafuerte yachana wasipi pusharinka, chay Guayaquil llaktapi kanka. Kallari rimanakuyka Ibarra llaktapi, chilla puncha pusharirka.
Shinami, Red de Maestros tantari rikuchishka mañayta, yachana hañikunata paktachikun, chaymi yachay kamachiy ashtawan allichichun achkata yanapanka, chayka: yachachikkuna, taytamama, yachakukkuna yuyayta kunka. Shinami kay kamachiyta runakunapak yuyaywan wallparin, kipaka paykunami kamachiy yanapashka kanka, shinami Augusto Espinosa minkashkata pushak rimarka.
Mushukyachina yuyay
Shinami Espinosa hatun kamachikpak yuyayka, mushuk kamachiyka kimsa hatun yuyayta charin nirka: kallari paktayka wiñarinata riman, Mamakamachiy rimashkata yachaypak kullkita churan hawa allita rikun. Kullkita churanalla hawa mana rimanchu, imashina chay kullkita alli tukchinatami ashtawankarin riman, chaytami kullkita alli tukuchishka rikun; kay kamachiyka yachaypak churashka kamachiy alli tukurichunmi rikunka.
Ishkayniki paktayka: alli yachayta charinkapa tukuy mutsuykunata paktachina hawami riman, tukuykuna ishkayniki yachayta tukuchichun mañan, tisiku runakuna yachachun yanapanatami ashtawankarin riman, tisikuman kimirishkata, yachanawasiman mana rishkakunata, ishkayniki yanachayta achka pakta kari warmi runakuna mana tukuchishkata yanapanka.
Kimsaniki paktayka, sumak yachay hayñi hawa riman, yachachikkunata ashtawan yachachina hawa, yachachik llankashkamanta kullkita mirachinata, hatun yachayta sapan yachachik paktachun riman. Imashina yachachinkapa yaykurina, llankaypi katina, llankaymanta llukshina, achikllami kana nirka.
MG/pv/jc-kichwa
