Chay Parlatino Hatun tantari, kay killa, 8, 10 punchakuna, Panamá llaktapi tantarirka.
chaypimi José Serrano Salgado, Mamallakta Tantanakuyta pushakta, chay Secretario de Relaciones Internacionales del Parlamento Latinoamericano y Caribeño minkashka kachun tiyachirka, payka 2017 watamanta, 2018 watakama llankanka.
Kay Parlatino tantaripak pushakkunaka: Panamá llaktamanta kamachiy killkak Elías Castillo González, pushak sakirika; México llaktamanta, Senadora Blanca Alcalá, kipapushak sakirika; Costa Rica llaktamanta kamachiy killkak Rolando González Ulloa, Hatun Killkakamayuk sakirika; Cuba llaktamanta kamachiy killkak Rolando González Patricio, Minkashkapak Killkakamayuk sakirika; Argentina llaktamanta kamachiyta Rikuk Rolando Juan Mario País, Minkashkapak Kipakillkakamayuk sakirika; Chile llaktamanta kamachik killkak Senador Jorge Pizarro, Kamaywasipura Rimankauypak Killkakamayuk sakirika.
Kay rimanakuy Patakupi pushakkuna Parlatino tantaripak llankayta paktachina, pushana, kimirichina, alli mana allita rikuna, shuktak llankaykunapak yuyayta, awllikunata rikuna kan. Paykunaka Junta Directiva minkashkata paktachinka. Rimanakuyta pushankapa, arininkapa chawpimanta shuk yalli chayana kan. Yaykurishkakuna shukkutinlla chay llankaytallatak pushachun akllarishka kanka,
Kay Parlamento Latinoamericano y Caribeño, XXXIII tantaripi, Diálogo Parlamentario de Alto Nivel sobre Migración hatun rimanakuy, kay apya-yala, caribeños llaktakunaman chusku yuyayta kurka: suyupi tantarina hawa ashtawan tukuykuna rimarka; purik runakuna hawa, allpapachapi shuwaykuna hawa, purik runakunata yanapashpa kamachiyta rurana nirka.
Kay Parlatino tantarika 10 puncha, kapak killa, 1964 watapi wiñarirka, kamaywasika 16 puncha, sasi killa, 1987 watapi tukurka. Suyupi punchanta llankak, kamachiy killkakkuna shuklla tantari kan. Kay Iberoamérica llaktakunapi tiyak Mamallakta Tantanakuymanta llakta ushaywan apuchishka pushakkuna kan. Paypak shimikunaka español, portugués kan. Paypak wasika Panamá llaktapimi sakirin.
JLVN/jc-kichwa
