Kaya, 14 puncha, 09h00 sayllata, chay Comisión de Derechos Colectivos minkashka, chay Federación Nacional de Cámaras Artesanales (Fenaca) tantariwan rimanakuyta charinka.
Kamachiy Jorge Corozo Ayoví, tantarita pushak, Luis Nieto Aguilar, paykunapak tantari pushakta chaskinka, chaypi Mamallaktapi shuk wiñarinata yanapankapa kamachiy kanata riksichinka.
Maki rurakkunaka Mamallaktapi kullki mirarichun kapuk wiñarina shunku llankaykunata ruran. Wiñaykawsay wiñariytami ukllan, tawkasami runa kawsaykuna wiñarichunmi yanapan, llankaykunata, charishkakunata, kapukkunata mirachin, Mamallaktapi mintalay tiyachun yanapan, paktalla llankaykunapi, ista llaktakuman alli kapukkunata katunkapa yanapan.
Mushuk sumak ruraykunawan llankayta, mitachikunata wiñachinkapa achka harkaykuna tiyan; Mamallaktapak katuna, rantina wasiman yaykunkapa, istallakta katuna, rantina llankaykunaman yaykunkapa harkakkunapash tiyan; chay kuskakunaman chayankapa hatun yachaykuna, kullki mañaykuna tiyan, shinami kay minkashkata pushak rimarka. Chaymanta kamachiy killkakkuna makirurakkunawan rimanakauyta charinka.
Kay Artesano kamachiypak 7 nikipika kari warmi makirurakkuna paykunapak ñawpachamanta yachaywan charishkakunata, mitachikunata pushamushka, shinami makiwanlla llankashpa llaktakunata wiñachishka, hillay kuyukunapash mana yanapashkachu, shinapash chanishka hatun yachakkuna tukushka.
PAU/pv/jc-kichwa
