Kanchis kamachikta kayanami Comisión de Relaciones Internacionales minkashkapak llankay kanka, kaya 14 puncha, 10:00 sayllata tantarinka.
Kayashka kamachikkunaka Ecuador llaktawan, Belarús, Nicaragua, El Salvador llaktakunawan yuyarinatami rimanka, shinallatak Facultad Latinoamericana de Ciencias Sociales (Flacso) yanchana wasiwan killkashkata riksinka.
Kay tantaripillatak, Doris Soliz minkashkata pushak, tukuri hunkapi rimanakushkata willanka, sakirik llankaykunata pushankapa uchilla tantarita wiñachinka.
Kay Belarús ista llaktawan rimankapa, Ecuador llakta ama ishkaykutin churashka kullkita kunkapa, mana kunkapa shuk yuiyarita killkarka. Shinami Renta, Propiedad hawa rimankapa, Doris Soliz, chay María Fernanda Espinoza kamachikta kayarka.
Shinami Relaciones Exteriores Hatun kamachiktapash kayarka; Igar Payulán, ista hatun kamachiktapash kayarka, chay llaktapi tawkasami llankayta pushan; shinallatak Pablo Campana, Comercio Exterior kamachikta kayarka.
Turipi rimanaka awllik Acuerdos de Alcance Parcial de Complementación Económica con El Salvador y Nicaragua hawa karka, kay yuyaritaka Mamallakta Pushak, Rafael Correa kacharka, chay chilla puncha kamachiy killkakkuna riksinka. Kay rimaykunata charinkapa Walter Eduardo Durán, El Salvador ista kamachik, Aída Leticia Talavera, Nicaragua ista kamachik shamunka.
Kay ista hillaykuna, ishkantin Mamallaktakuna makita kushpa mana churashka kullkita kuna hawa yuyarita charinata rimankuna, mayhan llaktapipash katunata sinchiyachishpa mintalanalla kachun yuyarinka, kullki llaktayta ashtawan chimpapura pushachun rikunka, shina ishkantin Mamallakta mintalanka.
LILA/pv/jc-kichwa
