Chay Unidad Educativa Maximiliano Spiller yachana wasipi, Tena kitipi, Napo markapi tanarirka.
Shinami, Mamallakta Tantanakuypak Comisión de Educación, Cultura, Ciencia y Tecnología tantariman yaykurishka kamachiy killkakkunata chaskirka, paykuna, chay Educación Intercultural (LOEI) kamachiyta allichinka.
Kallaripika, Augusto Espinosa, minkashkata pushak: “paya yachaywan mushuk yachaywan tantarishpa mushuk kamachiyta charina yuyami kan nishpa wikllarka, kunan yachaykuna mana hayñitalla charin, paykuna llankanatapash charin nirka”, mushuk yachayta, yuyayta riksishpa alli kamachiyta killkashun nirka.
Chay Alex Guadalupe, Ministerio de Educación uchilla llaktata pushak, antisuyu llaktapi yachayka Mamallakta Yachaypak yachaymanta asha chikanmi kan.
Chaymanta allita yachachina urman. “Tukuri watapi yachay hawa achkata paktashka kan, shinapash achkami llankana sirin. Yachay kamachiytaka runakunawan killkanami kan”, nirka.
Shinami, kamachiyta mushukyachina yuyayka yachaypak kullkita kamanami kan nirka, maysumak yachay kachunmi Astawankarin yanapan nirka. Kay yachayta paktachinkapaka yachachkkuna allita yachachina, kullkiwan yanapana urman nirka.
shinallatak paykuna llankashkamanta killa tukuripi kullkita chayachina kan nirka. Chay Fuerzas Armadas kamachikkunawan pakta yachachishkamanta kullkita kuna nirka.
Yachachikkunaman yachachina
Minkshkaman yaykurishka kamachiy killkakkuna, kay kamachiyta mushukyachinaka yachachikkuna yachachinkapami Espinosa kan rimarka, shuk yachachikka, mana yachashpami, yachachik kanata sakin. “Mushuk yachaykuna yachachinatami charin, yachakukkunapak ñawpakpi, achkata yachakmi rikurina kanchik, chay rurashpaka yachachin, rimanapash ”, nishpa willarka.
MC/pv/jc-kichwa
