Kamachiy killkak Carlos Viteri Gualinga Mamallakta Pushak Lenín Moreno, Mamakamachiy rimashkata katishpa llakita sakichina, wanachiypak watata, supaychaskata kunkarinata makipi charin nirka, sapan wanachikunami akllashpa anchunina ñanta charina kanka.
Kay rimaytakaViteri kamachiy killkak, 32 yupay churashka kamachiymanta rimashpami shina nirka, chaywan wanachiyta kunkarina, shinami Patricio Marcelo Meza, sarun 6 puncha, raymi killa Puyo llaktapi llakita charirka.
Payka Tribunal de Garantías Penales kamachik, Pastaza markapi sukta killakama supaychashka karka, chay llakika 2015 watapi, wayru killapi runakuna waktaypi hapishka karka.
Wanayta sakichunka Confederación de Nacionalidades Indígenas tantari, Mamallakta Tantanakuyta pushakman chayachirka, paykunaka 30 puncha, aymuray killapi chayachirka, 177 runami wanachishka kan, kay wanayta anchuchinkapaka sapan wanaykunatami riksinkapa katina kan.
Chay Conaie tantari wanayta sakichun nishka runakunaka wakinka sapsi huchata charikmi rikurin, paykunaka mana kishpiyrinkachu. Mamallakta Pushak arinishka Mamakamachiy rimashka ukupimi kan, chaywan chikan yuyayta charik runakuna mashiyarishka kanka, shinami Viteri kamachiy killkak rimarka.
JLVN/pv/jc-kichwa
