“Ista llakatakunapak kamachiymi tiyan, ista llaktakunawan hucha tiyakpi imashina taripayta rurana ñantami charin.
Taripayta allkita rurashpami shuwakunata chayachinata ushanchik, chaywan shuwaykuna, umachikunata harkanata ushanchik.
Kay llankayta Mamallaktawan arinishkami kan”, shinami Mamallaktapak Fiscalización y Control Político Minkashkaman fiscal General del Estado, Carlos Baca Mancheno kamachik rimarka.
Kallari rimaytaka, chay Procuraduría Federal de Brasil rimashkata riksichirka, imashinami Lava Jato kamaywasi llankakta riksichirka, chayka Petrobras kamaywasita huchachirka, kipaman Odebrecht llankak wasita riksichin, kay llankakwasimi tukuy Latinoamérica llaktakunapi llakita rurarka nishpa riksichirka, llaktakunawan kimirishpa llankan nirka.
Kay Justicia de Estados Unidos ukumanta, kapak killa, 2016 watapi, Odebrecht kamaywasi mayhan Mamallaktakunaman kullkita karashpa kushkata riksichin, chayka 800 hunuman chayan nirka, Ecuador llaktatami kallaripika rikuchin, kay llaktaman 33 hunu kullkita karashkata rikuchin. Kay willayta hapishpami, taripayka shuktak ñanta hapishka kan, Baca rimarka.
EG/pv/jc-kichwa
