Mushukyachishka Orgánica de Educación Intercultural (LOEI) kamachiy hawa rimankuyka Riobamba llaktapi, kay killa, chilla, 21 puncha, shinallatak Milagro llaktapi, kay chilla, wacha, 23 puncha pusharinka, chay runakuna paykunapak yuyaykunata churanka.
Kay Educación, Cultura, Ciencia y Tecnología minkashka, llaktayukkuna kichkiyana llankayta Augusto Espinosa kamachiy killkak pushakun, paymi imashina kay kamachiy mushukyakukta, kipaman alli yachaykuna tiyanata llaktayukkunaman riksichinka.
Chay Red de Maestros tantariman kimirishka yachachikkuna, Guayaquil, Ibarra, Quito, Tena llaktakunapi ñami paykunapak yuyayta yaykuchirka.
Kay LOES kamachiy hawa
Kay Comisión de Educación minkashka utkayan, paykunami Educación Superior (LOES) Hatun Kamachiy kanchis watata llankashka, paktashkata rikuchinka.
Kimsa paktapi yachakukkuna shukpaklla hatun yachanawasiman, tukuylla hatun yachanawasiman achka yaykurichun yanapanka, chaymi Lenín Moreno Mamallakta Pushakpak yuyay kan, chaypak 40 hatun sumak rurak yachana wasikunata shayachinka.
Shinallatak chay Universidad de las Artes (UNIARTES) hatun yachana wasiman chayarka, Guayaquil llaktapi sakarin, Regional Amazónica (IKIAM) hatun yachana wasiman chayarka, chayka Tena llaktapimi sakirin.
Chay llaktapika, ñukanchik Mamallaktapi hatun yachanawasi imashina paktanaman chayachun yanapanka, kipaman achka wakchayay, llankay illay ama tiyachun kay kamachiy yanapanka.
MG/pv/jc-kichwa
