Kay Jorge Yunda kamachiy killkak rimankuyka ishkay sayllata uniyarka, llankana wasita charikkunawan, llankakkunawan rimanakuyta charirka. Paykunapak yuyayka alli pukuykunata charinkapa, llankana kuskakuna wiñarichun yuyarka.
Kay rimaykunataka Consejo Consultivo y Tributario tantariman apashka kanka, chaymi kunan Lenín Moreno, Mamallakta Pushakpak yuyay kan.
Kay tantaripika imata llankashkata rikushpa, paktayta ushashkatami rikuchina kan. Alli pukuykuna tiyachun kutintak llankayta nikina, llankaykunata pankayachina, riksinakunata allichina hawa rimarka.
Kay Pablo Zambrano kamachik, Cámara de Industria y la Producción wasita pushak, kulllkita mana churakpi, mana kapukyay tiyakpika llankana kuskakuna mana wiñarinkachu nirka. Chay 250 waranka pakta runakunapimi yuyana kan, sapan watami paykunaka llankayman yaykurin, paykunami llankanata mutsun nirka
Kay tantarita pushak, Mamallaktapika llankaykuna kichkirishkami kan, Hatun kamachikkuna, Mamallakta Tantanakuypash llankaykuna tiyachun utkashpa ñankunata rurana kan, kullki hayñikuna tiyachun, kapukyaykunata tiyachun utkana kan nirka.
Kay Cámara de Industrias y Producción 2014 watamanta, 2015 watakama, arinishka kamachiykunata imashina kashkata rikuchirka, kutintak nikinata rikuchirka, chayka pukuchikkunata achkata llakichin nirka.
Shinallatak, Mesías Tatamuez, Edwin Robayo de la Cedocut pushak; José Villavicencio de UGT-FUT; Nelson Erazo, Frente Popular pushak; Mario García, de la Asociación de Transporte Terrestre del Ecuador pushak; Norma, Bock, de los Hoteleros de Quito pushak; Patricio Alarcón de las Cámaras de Quito pushak; Silvero Durán, de la Cámara de la Industria de la Construcción pushak; Roberto Aspiazu, del Comité Empresarial Ecuatoriano pushak; Pablo Zambrano, Xavier Sisa y Pablo Jiménez, de la Cámara de Industrias y Producción pushak karka, paykunawan achka rimanakuyta charirka.
RSA/pv/jc-kichwa
