Mamallakta Tantanakuyta pushak, contralor General del Estado, Carlos Pólit Faggioni, Hatun kamachik anchurina hawa willarka. Shinami 18:30 sayllata shuk killkashka panka Mamallakta Tantanakuypak Killana ukuman chayarka, shinami Mamallaktapak Hatun pushak riksichirka.
Kay pankaka utkashpa Consejo de Administración Legislativa (CAL) tantariman yaykuchishka kanka, kaymanta (Consejo de Participación Ciudadana y Control Social) kamaywasiman chayachinka. Shinami Contraloría kamachikta wanachinkapa mushuk katikuyta ruranka.
Tayta Serrano Salgado, hatun kamachik Carlos Pólit anchurikpi llaktay wanachika mana sakirinchu rimarka, shinami PAIS tantaripi rimashkata tukuykunaman riksichirka. “Wanachina katinka, imashinami punchakuna rikushka, Mamakamachiy rimashka, Comisión de Fiscalización churashka paktanka”, rimarka.
Llankayta katikuypi, awllikkunapak katikuyka llankakuy pacha, llankashka kipa shuk watakamami huchata aparinata charin, shinami tayta Serrano willarka, shinallatak Pólit, pay huchata mana charini nishka, chay Comisión de Fiscalización y Control Político tantaripak ñawpakpi rimanata charin, kipaman Mamallakta Tantanakuypak ñawpakpipash rimanata charinmi nirka.
“Llaktay wanachi katin, imashina llaki kakta rikuchishkanchik, ñukanchikpak shuk mashi (Daniel Mendoza) ñawipurachik kan, payta yanapakrinchik”, nishpa rimayta tukuchirka.
Mushuk Contralor
Mushuk Contralor hawa, kay Contraloría General del Estado Hatun kamachiy, hatun kamachik anchurikpi, shuktak hatun kamachik mishanakushpa, mananishka, arinishka llankankapak yaykurinkakama, kunan minkashka llankashpa katinka nirka.
EG/jc-kichwa
