Allpapachapi tiyak Día Mundial de los Refugiados puncha kakpi, shukniki Kipapushak, Viviana Bonilla, Pakakukushka purik runakuna Mamallakta wiñarichun yanapan.
Chaymi Ecuador llakta kay Apya-yalapika, purik runakunata yalli chaskishka, shuktak runakaunawan kawsan, mana wasikunapi wichkashka kawsakunchu.
“Kunan puncha, allpapachapi 65 hunu purik runakunapak puncha kakpi aknanchik”, nirka.
Chay yupaymanta, 70 % patsakrimi warmikuna kan, kari warmi wawakuna, imillakuna mamantin shuktak Mamallaktakunaman rinkuna, paykunapak aylluman alli kawsayta mashkashpami shina llakirishka purin.
Kay rimanakuypika Ecuador llaktapak Mamakamachiypi purik runakunapak hayñita riksin, chaywan kay purik runakuna paykuna mutsurishkata paktachin, chaymanta sapan killami 500 mañaykunata chaskinchik nishpa, rimayta tukuchirka.
Tawkakuna, María Clara Martin, payka Ecuador llaktapi Agencia de Naciones para los Refugiados (Acnur) tantaripak riksishkami kan, Mamallakta Tantanakuy pakakukushka runakunaman yanapashkata, makita kushkata yupaycharka. Shinami Alto Comisionado, Filippo Grandi: “pakukushka runakunaman yallita yanapashun”, nirka.
Kay Ecuador llaktapi Mamallakta Tantanakuy arinishka Movilidad Humana kamachiy, kay kamachiyka kamayta, sumaykayta kushkamanta riksirka, Martin rimarka.
Mamakllakta Tantanakuy kay yanapaykuwan, shukniki Pushak Viviana Bonilla kamachiy killkakwan, Acnur pushak, María Clara Martin kamachikwan, Acuerdo de Cooperación Interinstitucional yuyarita killkarka, chay killkami purik runakunata yanapanka.
EG/jc-kichwa
