Mamallaktapak Kipapushak, Jorge Glas, rimayta tukuchikpi, kamachiy killkak María José Carrión, Fiscalización tantarita minkashka, tukuy Mamallaktapak awllikkuna shuwaykunata harkankapa sinchitami shayarina kan nirka.
Shuk uchilla antakullkita mana hapishkani
Tayta Jorge Glas chikan chikan llaktay tantariman yaykurishka kamachiy killkakkunapak tapuyta tikrachirka.
Hatun kamachik Carlos Pareja Yanunzelli (Capaya) kamachikpi iñirka, punkara hayñi hawa, 10 watata Diario Expreso willak pankapi alli llankak runa kakpimi shunkuta churarka.
Tapuypak yuyaykunata achikyachishpa, Hatun pushak kakta rikuchikta, llaktay llankaykunata marushpa, apukyashpa pushashpa shina rimarka, shinallatak kapukyachik sapimanta rimashpa, kullki mirarichun kapukyachik wasikunamanta rimashpa shina achikyachishpa rimarka.
Mamallakta Kipushak rurashkawan, shuti aspiwan huchata rikuchina kan, willashka pankawan, willana llikawan mana rikuchinachu kan, shinami tawka shuwayta rikuchishka, shinaka mana allichu kan. Ñukapak shutita paykuna yanparinkapa hapishka kashpaka kishpiychikpak ñawpakpi rikurinami kan.
Ñuka yanapashka shuk mashi yankamanta yaykurishka kashka nishpa yanka huchachikpika taripanatami charin. Paypak mamaka sinchimi kan, chay huchamanta Mamallaktami wanachinata charin, kay Caminosca llakitapash nimata mana rikunata charinichu nirka.
Kay Odebrecht llankak wasita llullashpa llankakta rikuchirka, chaymanta Mamallaktamanta surkushpa kacharka, llankay yuyarita mana paktachirka, ñuka kikinmanta awkitami achkata ukllarkani. Wakin kamaywasi shuwashpa karashka kullkita nima pachapipash mana hapirkanichu nishpa kaparirka.
MG/pv/jc-kichwa
