Yachayta minkashka kay Educación Superior (LOES) kamachiyta allishpa katin, chaypimi imashina hatun yachayman yaykuna hawa allichirinka.
Kipa rimanakuykunapi kimsaniki yachayta rimashun. Shamuk sitwa killapi 9, 10 punchakunami markakunapi rimanakuykunata charishpa katinka.
Shinami “gran taller” shutiwan runakunata tantachinka, chay yuyaykunawan alli kamachiy killkarinka. Minkashkata pushak Augusto Espinosa rimashka shina, kay rimanakuykunamanta hapishpa killkashka willayka sitwa killa 15 punchapak kanka.
Kay Espinosa minkashkata pushak, kay tantariman kimirishkakunaman rikuchirka, shuk yachakukkuna yachana pataman shuklla kachun mutsurin nishpa riksichirka. Yachakukkuna yachayta kallarinkapa imatalla yachana yuyayta, rikuyta charinami illan nirka.
Yachayman yaykurinkapa shuk kamaykunata ruranami ashtawan tukuykunapak rimanakuna sinchi yuyay kan, shinami kay minkashkata pushak rimarka. Kay kamaykuta rurankapa hatun yachayta pushakkunawan, tiksi yachayta pushakkunawan rimanakuyta charina, llankana kan. Kipaman ima yachayta munak, ima yachayta charikta riksina kachun, yachanakuna chakchurishka kan, chay allichina kan nirka.
LILA/pv/jc-kichwa
