Yallik watakunapi yachakukuna rumiwan, kaspiwan, kaparishpa mañakkuna karka, kunanka mushuk yuyaykunata churashpa mañana kan.
Chay ñanpi, kay Federación de Estudiantes Universitarios del Ecuador (FEUE) Mamallakta Tantanakuyman chayarka.
Kipamana tantarikunapi chaypimi Educación Superior Hatun kamachiy allichirichun mañarka.
Kay Gustavo Bucaram kamachik, payka Participación Ciudadana tantarita pushakmi kan, yachakukkunapak mañayta Mamallakta Tantanakuyta pushak chaskishka kanka nirka. Kipaman José Serrano Mamallakta Tantanakuyta pushak rikushka kanka, shinami Mamallakta Tantanakuypak wasika tukuykunapak wasi tukunka nirka.
Kay Federación de Estudiantes Universitarios (FEUE) pushak, ñukanchik pukurishkami kanchik nirka, sumaklla, kasilla mañanchik nirka, shinami alli yuyaykunawan chimpapura tiyarishpa kasilla rimanakuna kanchik nirka.
Shinami paykunapak yuyay chaskishkamanta yachakukkuna kushilla sakirirka, Mamallakta Tantanakuypak yuyayka, markakunaman chayashpa, pakta runakunapak, pukuchik tantarikunapak, yachakukkunapak, tantarikunapak yuyayta hapishpa llaktayukkunapak mañayta paktachina nirka.
MG/eg/jc-kichwa
