Pichkakutin Educación Intercultural kamachiyta allichina rimanakuy Riobamba llakta, Chimborazo markaman chayarka, Unidad Edmundo Chiriboga yachanawasipi pusharirka.
Minkashkata pushak Augusto Espinosa, kay kamachiyta runakuna, kamachikkuna, pushakkuna, taytamamakuna, yachakukkuna llaktakunapi tantarishpa kamachiyta allichinami kanchik nirka.
Kay Espinosa yachay kamachik tukuy llankaykunata rurakunchik, chayka Mamallaktapak alli kachunmi yachayta mushukyachinkapa rurakunchik nirka, chaytami hamunata kanchik nirka.
Shinami Ecuador llaktapi llankaykuna wiñarichun yanapashun, yachachikkunapak llankaymanta kunkapa kullki wiñarichun, llankayta, yachayta kuyak yachachikkunaman kullkiwan yanapashun nirka.
“Yachay llikapi tiyak hatun yallikunata allichishun nirka, shinami kay América Latina llaktakunapi alli yachayta tiyachishun nirka”. Ñawpakman rikushun, Mamallaktata kuyashpa, yachay llika allichirishun, awki chaniman chayachun punchanta alli yuyaywan llankashun, yanapashun nirka.
Shinallatak, Carolina Báez, kimsa uchilla suyupak Red tantarita pushak, yachachikkunapak hatun yuyayka yachayllikata mushukyachina yuyaymi kan. “Yachaykuna, yachachina ñanta mushukyachina yuyaymi kan.
Chaymanta, yachaypi shuk hatun pawayta kunkapa yachachikkunata sumakruraypi yachachina, karu pakta yanchana wasimakuna sumakta yachak yachachikkuna chayachun kullkiwan yanapana, shinallatak chay intercultural bilingüe” yachayta achkata yanapana nirka.
MG/pv/jc-kichwa
