Ista llaktakunamanta Tantarishka shuwakunata katina sinchimi kan nishpa, ñawpa rikuk kamachik General del Estado, Galo Chiriboga Zambrano kallari rimayta tukuchirka.
shinami Comisión de Fiscalización y Control Político minkashkapi riksichirka, María José Carrión kamachiy killak pushan.
Kay llakikunata allita rikuchinkapami Contralor del Estado, Carlos Pólit Faggioni kamachikta llaktay wanachinata rurana hawa riman.
Kay Chiriboga kamachik Fiscalía kamachik 22 puncha, kapak killa, 2016 watamanta rurashkata rikuchirka, kay Departamento de Estado de Estados Unidos ukumanta kullkita kushpa llankayta hapishka nishpami kay willayta rimarka, “Chay punchallatak Fiscal de Brasil kamachikwan rimarkanchik, chaymanta mana nimatapash ruranata ushani nirka, chay sami willayta mana chayanachina kakpi”, mana willani nirka.
Mana mayhan llaki shina kanchu, kay Ecuador llaktamanta, chay Estados Unidos llaktapi llankak ista kamachikman willarka, paymi Departamento de Estado ukupi llankakta willachirka. Kipa punchami ña taripay kallarirka, chaypimi 33.5 hunu kullkita Odebrecht en Ecuador kamaywasi kushkata taripanata charin nirka.
Kamachik Galo Chiriboga 30 puncha, kapak killami, Guayaquil llaktapi Odebrecht wasiman yaykurka, chaymanta killkashka pankakunata surkurka, chay pankakunata Colombia llaktaman kacharka.
Kipaman, 12 puncha, kulkakilla, 2017 watapi, ishkayniki, Quito llaktapi tiyak wasiman yaykurka. Chay Colombia llaktamanta 12 hunu wakaychishka killka pankakuna tiyan nishpa willay chayarka, chaymanta 700 waranka Acciona Odebrecht llankaywan kimirishka kanka, nirka.
Kay Chiriboga kamachikpa yuyayka, chay Corte Penal de la Unión de Naciones Suramericanas kamay wasimi kay yuyarikunata rantinchinka, kamachiywan kutsikyachinka, shinami tantarishka shuwakunata katina kanka. Kay yuyari kamachiyka Suyupi tantarishka Mamallaktakuna yanapchun shuyakun.
EG/pv/jc-kichwa
