Shuwayta takankapa ñakarinata paktachishpa, kamachiy killkak shamuk punchakuna, chay Código Orgánico Integral Penal kamachiyta mushukyachina hawa rikuchinka, tukuylla kamayta llakichikpi, huchata charik runa tukuylla awllita wiñaypak mana hapinka.
Kamachiywan riksishka llankaywasikuna, llankaymanta kullkita shuwashkamanta wanachina hawa rimarka, supaymanta chikan kachun kamachiy killkak Mariano Zambrano achikyachishpa rimarka. Kamaypi llankak Kipakamachik, awllikkuna kamarita hapikkunapash sinchita wanachishka kanka.
Uchilla uku
Shukmanta rimashpa aymuray killa, 14 puncha, 2017 watapi shuk uchilla ukuta kullkita, kushpa hapirka, chayka Quito llaktapi karka, chayka Carlos Pólit kamachikpak, llukshik Contralor, Mamallakta Tantanakuypak kuchupilla uchilla uku sakirikpi mañachirka.
Pay Manabí llaktapi kakpi, Fiscalía General del Estado kamachik chay uchilla ukuman upallalla yaykurirka, imalla tiyashkata Killkamakman riksichirka, imashina uchilla ukuta kullkita kushpa charishkata riksichirka, chaypi tiyakkuna paypak karka, shinapash kamachikkuna chay ukuta riksik kamak karka.
Kamachiy killkak, chay llaki paypak shutita ama llakichinkapa shuyani nirka, pay sumak shunkuta charishkata ama urmachichun mañani nirka, Mamallakta Tantanakuy shuwaykunata harkankapa tawka llankaykunata rurakun nirka. “Mamallakta alli llankaykuna kachun mutsun nirka, shina shuwayta harkankapa”, kachuin nirka.
MG/pv/jc-kichwa
